రౌడీ హీరో అప్డేట్ కోసం పూరీకి ఫ్యాన్స్ రిక్వెస్ట్…
రౌడీ హీరో, టాలీవుడ్ హీరో విజయ్ దేవరకొండ హీరోగా డేరింగ్ అండ్ డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న భారీ మూవీ ‘లైగర్’. అనన్య పాండే హీరోయిన్ గా నటిస్తున్న ‘లైగర్’ను పూరి, ఛార్మి, కరణ్ జోహార్ సంయుక్తంగా నిర్మిస్తున్న విషయం తెలిసిందే. అయితే తెలుగు, హిందీతో పాటు ఇతర ప్రధాన భారతీయ భాషల్లోనూ ఈ సినిమా విడుదల కానుంది. ఈ సినిమాలో ఓ భారీ యాక్షన్ ఎపిసోడ్ కోసం నిర్మాతలు ఏకంగా హాలీవుడ్ స్టంట్ కొరియోగ్రాఫర్ యాండీ లాంగ్ టీమ్ ను రంగంలోకి దింపిన విషయం కూడా తెలిసిందే.
అదేవిధంగా ముంబైలోని ఓ భారీ సెట్ లో ఈ యాక్షన్ సీక్వెన్స్ షూటింగ్ జరుగుతోంది. ఈ సినిమా షూటింగ్ ప్రస్తుతం కరోనా సెకండ్ వేవ్ కారణంగా ఆగిపోయింది. అలాగే చాలా కాలం నుంచి మేకింగ్ దశలో ఉన్న ఈ సినిమా నుంచి మేకర్స్ అప్డేట్స్ రిలీజ్ కాక చాలా కాలం అయింది. చాలా కాలం క్రితం ఈ సినిమా నుంచి విజయ్ ఫస్ట్ లుక్ ను విడుదల చేసి భారీ అంచనాలు పెంచేసిన నిర్మాతలు మళ్ళీ ఇంత వరకూ సినిమా నుంచి ఎలాంటి అప్డేట్ ను విడుదల చేయలేదు. దీంతో విజయ్ దేవరకొండ ఫ్యాన్స్ నిరాశకు గురవుతున్నారు. ఈ తరుణంలో విజయ్ దేవరకొండ అభిమానులు థ్రిల్ అయ్యేలా ‘లైగర్’ చిత్రం నుంచి ఏదైనా సరికొత్త అప్డేట్ ను విడుదల చేయాలని డైరెక్టర్ పూరి జగన్నాథ్ ను సోషల్ మీడియా ద్వారా ఫ్యాన్స్ రిక్వెస్ట్ పెట్టుకుంటున్నారు. ‘లైగర్’ కోసం అప్డేట్ వచ్చి చాలా కాలం అయిందని, ఇలాగే అయితే విజయ్ భవిష్యత్ ప్రణాళికలపై ప్రభావం పడే అవకాశం ఉందని ఫ్యాన్స్ తీవ్రంగా మదనపడుతున్నారు. అంతేకాకుండా పూరీ, కరణ్ జోహర్తో విడుదల తేదీని లాక్ చేస్తూ ప్రచార కంటెంట్ను రిలీజ్ చేయాలని యోచిస్తున్నారని కూడా టాక్ నడుస్తోంది. మరి విజయ్ దేవరకొండ ప్యాన్స్ ఉత్సాహపరిచేలా ఆ అప్డేట్ ‘లైగర్’ నుంచి ఎప్పుడు వస్తుందో మరి వేచి చూడాల్సిందే.