‘GBN చాణక్య’ చాప్టర్ ఆవిర్భావం!
హైద‌రాబాద్ (MediaBoss Network): వ్యాపార సామ్రాజ్యంలో కొత్త పొద్దుపొడుపు పొడిచింది. ప్రారంభించిన అన‌తికాలంలోనే త‌న‌కంటూ ప్ర‌త్యేక‌త‌ను సంత‌రించుకుని దూసుకుపోతున్న గౌడ వ్యాపార వేదిక ‘గౌడ్స్ బిజినెస్ నెట్వర్క్’ (GBN) తాజాగా ‘GBN చాణక్య’ చాప్టర్ను లాంచ్ చేసింది.
శ‌నివారం హబ్సిగూడ గుడ్‌ల్యాండ్ హోటల్‌లో ఈస్ట్ జోన్‌కు సంబంధించిన ప్ర‌త్యేక చాప్టర్ ‘GBN చాణక్య’ను ఘ‌నంగా ప్రారంభించుకున్నారు. కేక్ క‌ట్ చేసుకుని సంబ‌రాలు జ‌రుపుకున్నారు GBN స‌భ్యులు. GBN విస్తరణలో భాగంగా చాణక్య పేరుతో చాప్టర్ను లాంచ్ చేసుకోవడం గ‌ర్వంగా ఉంద‌ని GBN వ్య‌వ‌స్థాప‌క అధ్య‌క్షుడు సీహెచ్ ప్ర‌భాక‌ర్ ఆనందం వ్య‌క్తం చేశారు. ఎన్ని ఆటుపోట్లు వ‌చ్చినా త‌మ క‌మ్యూనిటీ ఆర్థికంగా బ‌లోపేతం చేయ‌డ‌మే త‌మ ల‌క్ష్యంగా ప‌ని చేసుకుని పోతామ‌ని ఆయ‌న అన్నారు. వ్యాపార సమూహంగా నిలబడుతూ GBN గ్లోబల్ నెట్వర్క్ గా రూపాంతరం చెందుతుంద‌న్నారు. భారతదేశంలోనే ఒక కమ్యూనిటిలో బిజినెస్ నెట్వర్క్ ద్వారా ఆర్థిక శక్తిగా గౌడ్స్ బిజినెస్ నెట్‌వ‌ర్క్‌గా GBN ఉన్నత శిఖరాలను అధిరోహించడానికి అడుగులు ముందుకు వేస్తున్న‌ట్టు తెలిపారు.
GBN రెండవ చాప్టర్ ప్రారంభించుకోవడం గర్వించదగ్గ గొప్ప నిర్ణయాత్మక శక్తిగా అభివ‌ర్ణించారు GBN గ్రోత్ బ్రాండ్ అంబ‌సిడ‌ర్ ర‌విగారి ప్ర‌సాద్(ఈత‌ముల్లు). వ్యాపార శక్తి విస్తరణ నేటి చాప్టర్ తో హైదరాబాద్‌లో అనేక ప్రాంతాల్లోనే కాకుండా ప్రతి జిల్లాలో ఏర్పాటుకు, ఇతర రాష్ట్రాలలో అలాగే ప్రపంచ వ్యాప్తంగా విస్తరణకు సంకేతంగా నేటి GBN చాణక్య చాప్టర్ తో అడుగులు వేస్తున్న‌ట్టు ఆయ‌న తెలిపారు. చాణక్య చాప్టర్ తొలి విజయంగా భావించవచ్చు అని అన్నారు. సెక్ర‌ట‌రీ ట్రెజ‌రర్ ల‌క్ష్మినారాయ‌ణ ర్యాక‌ల, వైస్ ప్రెసిడెంట్ శివ‌కుమార్ గౌడ్, ఆచార్య చాప్టర్ స‌భ్యులు, నూత‌నంగా ఆవిర్బ‌వించిన ‘GBN చాణక్య’ చాప్టర్ స‌భ్యులు పాల్గొని ప్ర‌సంగించారు.