GBN ‘కౌండిన్యోత్సవం – బిజినెస్ ఫెస్ట్’ పోస్టర్ ఆవిష్కరణ
హైదరాబాద్: గౌడ వ్యాపార సామ్రాజ్యంలో సరికొత్త చరిత్ర ఇది. ప్రారంభించిన అన‌తికాలంలోనే త‌న‌కంటూ ప్ర‌త్యేక‌త‌ను సంత‌రించుకుని దూసుకుపోతున్న గౌడ వ్యాపార వేదిక ‘గౌడ్స్ బిజినెస్ నెట్‌వ‌ర్క్’ (GBN) తొలి వసంత వేడుకలను ఘనంగా నిర్వహించుకోబోతోంది. ‘కౌండిన్యోత్సవం – బిజినెస్ ఫెస్ట్’ పేరిట జరగనున్న ఈ వేడుకకు సంభందించి ఆహ్వాన పత్రం, కార్యక్రమ పోస్టర్ ఆవిష్కరణ కార్యక్రమం GBN సభ్యుల మధ్య శ‌నివారం హబ్సిగూడ గుడ్‌ల్యాండ్ హోటల్‌లో జరిగింది.ఈ సందర్బంగా GBN ఫౌండర్ ప్రెసిడెంట్ సీహెచ్ ప్రభాకర్ మాట్లాడుతూ.. ‘గౌడ్స్ బిజినెస్ నెట్‌వ‌ర్క్’ అనేది ప్రపంచంలోనే తొలి ప్రయత్నమని చెప్పారు. GBN ప్రారంభించిన ఏడాదిలోపే 10 కోట్లకు పైగా బిజినెస్ జరగడం గర్వంగా ఉందన్నారు. ఈ సందర్భంగా తొలి వార్షికోత్సవ వేడుకలను వివిధ రంగాల్లోని గౌడ ప్రముఖుల మధ్య నిర్వహించుకోబోతున్నట్లు ఆయన తెలిపారు. గౌడ కమ్యూనిటీకి సేవ కార్యక్రమాలు చేస్తున్న రాజకీయ, సామాజిక, వ్యాపార, అధికార, సంఘాలు.. ఇలా అన్ని రంగాలకు చెందిన వ్యక్తులను ఈ వేడుకల్లో సత్కరిస్తామని చెప్పారు. జనవరి 28 ఆదివారం రోజున నాగోల్ లోని సంస్కృతి వరల్డ్ స్కూల్ లో ‘కౌండిన్యోత్సవం – బిజినెస్ ఫెస్ట్’ జరగనుందని తెలిపారు. ఈ కార్యక్రమాన్ని విజయవంతం చేసేందుకు GBN సభ్యులు పలు కమిటీలుగా ఏర్పడి నిర్వహణ ఏర్పాట్లు చేస్తున్నారని తెలిపారు.
