వైజాగ్ లో వైసీపీ కార్పొరేటర్ మృతి

ఆంధ్రప్రదేశ్ లో తాజాగా జరిగిన కార్పొరేషన్ ఎన్నికల్లో ఘన విజయం సాధించిన వైజాగ్ కార్పొరేటర్ మృతి చెందారు. విశాఖ వైసీపీలో విషాదం నెలకొంది. ఈ మధ్య మున్సిపల్ ఎన్నికల్లో కార్పోరేటర్గా గెలుపొందిన సూర్యకుమారి ఆకస్మికంగా మృతి చెందింది. విశాఖ నగరంలోని 61వ వార్డు నుంచి కార్పొరేటర్గా గెలిచిన సూర్యకుమారి మృతిపట్ల పార్టీ శ్రేణులు తీవ్ర విషాదంలో మునిగిపోయారు.
అయితే విశాఖ పారిశ్రామికవాడలో నివాసముంటున్న సూర్యకుమారి నివాసంలో ఆదివారం రాత్రి మృతి చెందినట్లు కుటుంబసభ్యులు తెలిపారు. సూర్యకుమారి మృతితో కుటుంబ సభ్యులు విషాదంలో మునిగిపోయారు. సమాచారం అందుకున్న పోలీసులు మృతదేహాన్ని పోస్టుమార్టం నిమిత్తం ప్రభుత్వం ఆస్పత్రికి తరలించారు. కాగా కేసు నమోదు చేసుకున్న పోలీసులు దర్యాప్తు నిర్వహిస్తున్నారు. ఈ మృతిపై పలు అనుమానాలను కూడా వ్యక్తం చేస్తున్నారు. హత్య జరిగి ఉంటుందా? లేదా అనారోగ్యం కారణంగా మృతి చెందారా? అనే కోణంలో దర్యాప్తు చేస్తున్నారు పోలీసులు. తాజాగా జరిగిన మున్సిపల్ ఎన్నికల్లో వైసీపీ అఖండ విజయాన్ని అందుకున్న విషయం తెలిసిందే.