న్యూ లుక్ తో అల్లరి నరేష్ ‘సభకు నమస్కారం’…
టాలీవుడ్ యంగ్ అండ్ టాలెంటెడ్ హీరో నవ్వుల స్టార్ అల్లరి నరేష్ ఈ మధ్య ‘నాంది’ అనే కాన్సెప్ట్ ఓరియెంటెడ్ మూవీతో ప్రేక్షకుల ముందుకు వచ్చాడు. అయితే ఈ సినిమాతో నటుడిగా ఓ మెట్టు ఎక్కిన నరేష్ కు చాలా కాలం తర్వాత సక్సెస్ లభించింది. ‘నాంది’ సినిమా అల్లరి నరేష్ లో కమెడియన్ కోణాన్ని మాత్రమే కాకుండా అద్భుతమైన నటుడిని కూడా ఆవిష్కరించింది. ఈ సినిమాతో మంచి నటుడిగా తన మార్కును చాటుకున్న ఆయన తర్వాతి సినిమాల విషయంలో కూడా ఆచితూచి అడుగులు వేస్తుండటం విశేషం. కాగా ఈరోజు అల్లరి నరేష్ బర్త్ పుట్టినరోజు. ఈ సందర్భంగా ఆయన 58వ సినిమాకి చెందిన టైటిల్ ను ప్రకటిస్తూ పోస్టర్ ను విడుదల చేశారు మూవీ మేకర్స్.
అదేమంటే… ‘సభకు నమస్కారం’ అనే టైటిల్ తో తెరకెక్కుతున్న ఈ సినిమా పొలిటికల్ డ్రామాగా ఉండనున్నట్లు తెలుస్తోంది. అలాగే పోస్టర్ లో అటువైపు తిరిగి స్టేజీపై మైక్ ముందు నిలబడి, రెండు చేతులు జోడించి నమస్కరిస్తూ కనిపిస్తున్నాడు అల్లరి నరేష్. అదేవిధంగా ఆయన జేబులో నోట్ల కట్టలు కూడా కన్పిస్తున్నాయి. కాగా ఈ పొలిటికల్ థ్రిల్లర్ కు సతీష్ మల్లంపాటి దర్శకత్వం వహిస్తుండగా… ఈస్ట్ కోస్ట్ ప్రొడక్షన్స్ బ్యానర్ పై మహేష్ కోనేరు నిర్మిస్తున్నారు. అంతేకాకుండా త్వరలోనే ఈ సినిమా సంబంధించిన షూటింగ్ పూర్తి కానుండటం విశేషం.