జెర్సీ చూశాకే నాకు ఆ విషయం తెలిసింది : షాహిద్ కపూర్..

టాలీవుడ్ నాచురల్ స్టార్ నాని నటించిన ‘జెర్సీ’ సినిమా బాలీవుడ్ లోకి రీమేక్ అవుతున్న విషయం తెలిసిందే. తెలుగులో ‘జెర్సీ’ని తెరకెక్కించిన గౌతమ్ తిన్ననూరి హిందీ రీమేక్కూ దర్శకత్వం వహిస్తున్నారు. అయితే క్రికెట్ నేపథ్యంలో రూపొందిన ఈ సినిమాలో నాని నటన అద్భుతంగా పండించారు.
అదేవిధంగా తాజాగా ఈ సినిమా హిందీ రీమేక్ లో నటిస్తున్న బాలీవుడ్ స్టార్ షాహిద్ కపూర్ హీరో నానిపై ప్రశంసల వర్షం కురిపించారు. నాని జెర్బీ మూవీలో అద్భుతంగా నటించాడని షాహిద్ కపూర్ వెల్లడించారు. ఈ సినిమా చూస్తున్న సమయంలో నాని తనను నాలుగైదు సార్లు ఏడిపించాడని.. తన హృదయానికి దగ్గరైన సినిమాలలో జెర్సీ ఒకటని షాహిద్ వివరించారు. అంతేకాకుండా అసలు కథే లేని సినిమాలు చాలానే చేశానని.. కానీ.. జెర్సీ సినిమా చూశాక ఎలాంటి కథలను ఎంచుకోవాలనేది బాగా అర్థమైందని షాహిద్ కపూర్ తెలిపారు.