సురేష్ బాబును బురిడీ కొట్టించిన కేటుగాడు…..
టాలీవుడ్ ప్రముఖ నిర్మాత సురేష్ బాబు మోసపోయాడు. సహజంగా రోజు ఆన్ లైన్ మోసాలు జరుగుతుంటాయి. మరి ఇంత పెద్ద ప్రముఖ నిర్మాత అయిన సురేష్ బాబు ప్రత్యక్షంగా మోసానికి గురికావడం అందరినీ కలవర పెడుతుంది. తాజాగా కరోనా వ్యాక్సిన్లను అడ్డుపెట్టుకుని ఘరానా మోసానికి పాల్పడ్డాడు ఓ కేటుగాడు. ఏకంగా నిర్మాత సురేష్ బాబును వ్యాక్సిన్ పేరుతో ఓ వ్యక్తి బురిడీ కొట్టించాడు. తన వద్ద వ్యాక్సీన్ లు ఉన్నాయని లక్ష రూపాయలు కొట్టేశాడు ఆ వ్యక్తి.
అసలేం జరిగింది అంటే… ఓ కేటుగాడు తన వద్ద కరోనా వ్యాక్సిన్లు ఉన్నాయని సురేష్ బాబు ఆఫీస్కు ఫోన్ చేశాడు. దీంతో అతడు చెప్పిన మాటలు నమ్మి లక్ష రూపాయలు ట్రాన్సఫర్ చేశాడు సురేష్ బాబు మేనేజర్. అయితే.. డబ్బులు వేసిన తర్వాత ఆ కేటుగాడు ఫోన్ లిఫ్ట్ చేయకపోవడంతో అందరికీ అనుమానం వచ్చింది. దీంతో అతడిపై పోలీసులకు ఫిర్యాదు చేశారు. వెంటనే కేసు నమోదు చేసుకున్న జూబ్లీహిల్స్ పోలీసులు దర్యాప్తు చేస్తున్నారు. కాగా.. దేశంలో ప్రస్తుతం కరోనా వ్యాక్సిన్ల కొరత ఉండటంతో వ్యాక్సిన్ కొనుక్కొని వేయించుకుందామని నిర్మాత భావించారు. అదే అదునుగా భావించిన సదరు కేటుగాడు ఏకంగా నిర్మాతకే టోపీ పెట్టడం హాట్ టాపిక్ గా మారింది.