త్వరలోనే పవర్ స్టార్… రానా హీరోయిన్ల పై క్లారిటీ….
టాలీవుడ్ పవర్ స్టార్ పవన్ కళ్యాణ్- రానా దగ్గుబాటి ప్రధాన పాత్రధారులుగా మలయాళీ సూపర్హిట్ ‘అయ్యప్పనుమ్ కోషియమ్’ సినిమా తెలుగులో రీమేక్ అవుతున్న విషయం తెలిసిందే. సాగర్ కె చంద్ర దర్శకత్వంలో సితార ఎంటర్టైన్మెంట్స్ ఈ సినిమాను రూపొందిస్తుంది. అయితే మాటల మాంత్రికుడు త్రివిక్రమ్ ఈ సినిమాకు స్క్రీన్ప్లే, డైలాగ్స్ రాస్తున్నారు.
అదేవిధంగా ఈ సినిమా షూటింగ్ శరవేగంగా జరుగుతున్న సమయంలో కరోనా సెకండ్ వేవ్ తో అడ్డుకట్ట పడింది. తాజాగా అందుతున్న సమాచారం ప్రకారం ఈ సినిమా షూటింగ్ తదుపరి షెడ్యూల్ కు రెడీ అవుతున్నట్లు తెలుస్తోంది. త్వరలోనే పవన్-రానా సెట్స్ పైకి రానున్నట్లు సమాచారం అందుతుంది. అందరు ఎంతగానో ఎదురు చూస్తున్న ఈ సినిమా హీరోయిన్ల విషయంలో క్లారిటీ వచ్చే సమయం వచ్చేసింది. ఈ తాజా షెడ్యూల్ లో హీరోయిన్స్ కూడా జాయిన్ కాబోతున్నారని సమాచారం. మరి హీరోయిన్లుగా నిత్యా మీనన్, ఐశ్వర్య రాజేష్ లు ఎంపికైనట్లు టాక్ నడుస్తున్నా దానిపై క్లారిటీ లేదు. మరి ఇప్పటివరకు హీరోయిన్ల విషయంలో అధికారిక ప్రకటన రాకపోయినప్పటికీ… నిత్యా మీనన్ పవన్ కళ్యాణ్ భార్య పాత్రను పోషిస్తుండగా ఐశ్వర్య రాజేష్ రానాకు జంటగా నటించే అవకాశం ఉన్నట్లు తెలుస్తోంది. కాగా ఈ సినిమా హీరోయిన్లపై త్వరలోనే స్పష్టత రానుంది.