పాన్ ఇండియా సినిమా కోసం శేఖర్ కమ్ముల…
టాలీవుడ్ క్లాసిక్ డైరెక్టర్ శేఖర్ కమ్ముల మేకింగ్ స్టైలే వేరు. అతని టేకింగ్ చాలా డిఫరెంట్ గా ఉంటుంది. ఇక ఆయన సినిమా జోనర్స్ అన్నీ క్లాస్గా ఉంటాయి. దీంతో ఆయన సినిమాలకు ప్రేక్షకులు బాగా ఇష్టపడుతుంటారు. అంతేకాదు కమర్షియల్ సినిమా తీస్తేనే జనం చూస్తారన్న రూల్స్ ఆయన పట్టించుకోరు. సంవత్సరానికి ఇన్ని సినిమాలు చేయాలి అనే లెక్క అయనకేమీ లేదు. అసలు ఇండస్ట్రీకి ఏమాత్రం సంబంధం లేని వ్యక్తులను కొత్తగా తెరకు పరిచయం చేసి మరీ హిట్ కొట్టగల దిట్ట.
అదేవిధంగా ఎవరు? ఏంటి? అనే స్టార్స్ తో సంబంధం లేకుండా సినిమా తీసి హిట్ కొట్టగలరు అంటే నమ్మండి. అలాగే ప్రస్తుతం ఈ దర్శకుడు పాన్ ఇండియా సినిమా దర్శకుడిగా మారబోతున్నాడా? అంటే.. అవుననే సమాధానం వస్తుంది. అంతేకాకుండా ఆయన ప్రస్తుతం ‘లవ్ స్టోరీ’ సినిమా చేస్తున్న విషయం తెలిసిందే. ఇప్పుడు ఈ సినిమాని తెరకెక్కించిన ఏషియన్ సినిమాస్ శేఖర్ కమ్ములతో పాన్ ఇండియా సినిమాని ప్లాన్ చేస్తున్నారని టాక్ వినిపిస్తుంది. కోలీవుడ్ స్టార్ హీరో ధనుష్ తో శేఖర్ కమ్ముల తెలుగు, తమిళ, హిందీ భాషల్లో సినిమా చేయనున్నారని సమాచారం అందుతుంది. కాగా ధనుష్ కూడా హిందీలో మంచి మార్కెట్ ఉండటంతో ఇదేదో కలిసొచ్చే అంశమనేది కూడా వినిపిస్తుంది. మొత్తానికి త్వరలోనే ఈ ప్రాజెక్ట్ పై ఓ ప్రకటన వెలువడే అవకాశం ఉందని కూడా సమాచారం. చూద్దాం…