ప్రతి నాయిక పాత్రలో కీర్తి సెట్ అవుతుందా..?

సౌత్ ఇండియన్ బ్యూటీ కీర్తి సురేష్ ‘మహానటి’ సినిమాతో తన మార్కెట్ ను అమాంతంగా పెంచేసుకుంది. అందులో ఆమె నటనకు ప్రేక్షకులు ముగ్ధులయ్యారు. తనలోని నటనా స్థాయి ప్రపంచానికి తెలిపేలా పరకాయ ప్రవేశం చేసింది. ఈ సినిమాలో కీర్తి నటనకు విమర్శకుల నుంచి కూడా ప్రశంసలు అందుకుంది కీర్తి.
అసలు కీర్తి సురేష్ అంటే అందం, అభినయం అనేంతగా ప్రేక్షకుల్లో విపరీతమైన క్రేజ్ ను సంపాదించుకుంది. అలాంటి కీర్తి సురేష్ డీ గ్లామర్గా కనిపించేందుకు రెడీ అయింది.

తాజాగా కోలీవుడ్ ప్రాజెక్ట్ ‘సాని కాయుధమ్’ సినిమా లాంచ్ చేసింది. కీర్తి సురేష్ అందుకు సంబంధించిన ఫొటోల్ని సోషల్ మీడియా ద్వారా ఫ్యాన్స్ తో పంచుకుంది. అరుణ్ మాతేశ్వరన్ దర్శకత్వంలో వస్తున్న సినిమాలో కీర్తి, డైరెక్టర్ సెల్వ రాఘవన్ లీడ్ రోల్ లో చేస్తున్నారు. సెల్వ రాఘవన్ ఈ చిత్రంతో నటుడిగా మారుతున్నాడు. కాగా ఇప్పటికే రిలీజైన ఫస్ట్ లుక్ అంచలనాలను భారీగానే పెంచేసింది. క్రైమ్కు పాల్పడిన కీర్తి, సెల్వరాఘవన్ పారిపోగా.. ఆ తర్వాత మోస్ట్ వాంటెడ్ క్రిమినల్స్ జాబితాలో చేరిపోతారు. దీంతో అసలు వారు చేసిన ఆ క్రైమ్ ఏంటి? పోలీసులు దాన్ని ఎలా ఛేదించారు? అనేది తెలియాలంటే సినిమా వచ్చేంతవరకు ఆగాల్సింది. కానీ ఈ సినిమాలో కీర్తి తొలిసారిగా కీర్తి ప్రతినాయిక పాత్రలో ఎలా మెప్పించనుంది అనేది ఫ్యాన్స్ లో ఆసక్తిని రేకెత్తిస్తుంది. మొదటిసారిగా ఇలాంటి ప్రతినాయిక పాత్ర పోషిస్తున్న కీర్తికి ఈ రోల్ ఆమె కెరీర్ ను ఎలాంటి మలుపులు తిప్పనుంది అనేది సర్వత్రా ఆసక్తిని రేకెత్తిస్తుంది.