ప్రభాస్ కోసం ఓ భారీ స్టోరీని రెడీ చేస్తున్న లేడీ డైరెక్టర్…

టాలీవుడ్ లో ‘ఆకాశమే నీ హద్దురా’ అనే సినిమాతో విమర్శకుల ప్రశంసలు అందుకుంది లేడీ డైరెక్టర్ సుధా కొంగర. ఈ మహిళా దర్శకురాలు యంగ్ రెబల్ స్టార్ ప్రభాస్ తో ఓ సినిమా చేసేందుకు తెగ ఉత్సాహపడుతుంది.
అందులో భాగంగా తాజాగా విన్పిస్తున్న విషయం ఏమిటంటే… సుధా కొంగర ప్రభాస్కు ఒక స్టోరీని వివరించారట. ఈ మధ్యనే ప్రభాస్ తో సుధా ఈ స్టోరీని నెరేట్ చేశారని… ఓ సోషల్ డ్రామా కావడంతో స్టోరీ లైన్ కు ప్రభాస్ ఇంప్రెస్ అయ్యారని కూడా టాక్ నడుస్తోంది. దీంతో ఆమెను ఫైనల్ డ్రాఫ్ట్ తో వచ్చి కలవమని చెప్పాడట ప్రభాస్. బౌండ్ స్క్రిప్ట్ విన్న తర్వాతే సుధా ప్రాజెక్ట్ పై ప్రభాస్ తుది నిర్ణయం తీసుకుంటారని తెలుస్తోంది. అయితే ప్రభాస్ 2023 వరకు ఇప్పటికే గ్రీన్ సిగ్నల్ ఇచ్చిన పాన్ ఇండియా ప్రాజెక్టులతో బిజీగా ఉండనున్నారు. 2022 మొత్తాన్ని నాగ్ అశ్విన్ సైన్స్ ఫిక్షన్ థ్రిల్లర్ కే కేటాయించుకున్నాడు. మరి సుధా కొంగరతో ప్రభాస్ ప్రాజెక్ట్ ఓకే అయితే 2023 తర్వాతే ఆలోచించాల్సి వస్తుంది.