కన్నుగీటి కుర్రాళ్ళ మనసు దోచిన భామ ఈ సారి ఇలా వైరల్ అయ్యింది …
కేరళ కుట్టి ప్రియా ప్రకాశ్ వరియర్ నితిన్ హీరోగా నటించిన ‘చెక్’ సినిమాలో నటించి టాలీవుడ్ లో తన ప్రతాపాన్ని చూపించాలని చూస్తుంది. అయితే చెక్ సినిమా ఈరోజు థియేటర్లోకి వచ్చి మంచి టాక్ తో దూసుకుపోతుంది. ఈ సినిమా డైరెక్టర్ చంద్రశేఖర్ యేలేటి షూటింగ్ సమయంలో జరిగిన ఓ ఫన్నీ సన్నివేశాన్ని ప్రియా ప్రకాశ్ అభిమానులతో షేర్ చేసుకుంది. ఓ సీన్లో భాగంగా ప్రియా పరుగెత్తుతూ వచ్చి నితిన్ భుజాలపైకి ఎక్కాల్సి ఉంటుంది. కాని బ్యాలెన్స్ తప్పి కింద పడిపోయింది. దీంతో వెంటనే అప్రమత్తమైన యూనిట్ ప్రియాని పైకి లేపి జాగ్రత్తగా చూసుకున్నారు. అందుకు సంబంధించిన వీడియోను ప్రియా ప్రకాశ్ తన సోషల్ మీడియాలో షేర్ చేయడంతో అభిమానులను విశేషంగా అలరిస్తుంది. అంతేకాకుండా ‘జీవితంలో కింద పడిపోతున్న ప్రతిసారి నేను విశ్వాసంతో పైకి లేచేందుకు ప్రయత్నిస్తున్నాను’ అంటూ ఈ వీడియోను షేర్ చేసింది ఈ పాప. మరి ఈ చెక్ తో తడబాటును సరిదిద్దుకొన్ని అన్నింటికీ చెక్ పెడుతుందేమో చూడాలి.