8 రాష్ట్రాలకు కొత్త గవర్నర్లు…. మిజోరాం గవర్నర్ గా ఏపీనేత…!
దేశంలోని 8 రాష్ట్రాలకు కొత్త గవర్నర్లను నియమిస్తూ రాష్ట్రపతి ఉత్తర్వులు జారీ చేశారు. అందులో ఏపీ బీజేపీ సీనియర్ నాయకులు, మాజీ ఎంపీ కంభంపాటి హరిబాబు మిజోరాం గవర్నర్గా నియమితులయ్యారు. అలాగే.. హర్యానా గవర్నర్గా బండారు దత్తాత్రేయ నియామకం కావడం విశేషం. ప్రస్తుతం హిమాచల్ ప్రదేశ్ గవర్నర్ గా బండారు దత్తాత్రేయ పనిచేస్తున్న విషయం తెలిసిందే.
అదేవిధంగా రాజేంద్రన్ విశ్వనాథ్ అర్లేకర్ హిమాచల్ ప్రదేశ్ గవర్నర్గా నియామకం అయ్యారు. అలాగే హర్యానా గవర్నర్ గా ఉన్న సత్యదేవ్ నారాయణ్ ఆర్యను త్రిపుర గవర్నర్గా నియామించారు. తవర్ చంద్ గెహ్లాట్ కర్ణాటక గవర్నర్ గా నియమితులు కాగా… మంగూభాయ్ చాగన్భాయ్ పటేల్ మధ్యప్రదేశ్ గవర్నర్గా నియామకం అయ్యారు. అలాగే పి.ఎస్.శ్రీధరన్ పిళ్లై గోవా గవర్నర్గా నియామకం కాగా… రమేష్ బైస్ను జార్ఖండ్ గవర్నర్గా నియామిస్తూ ఉత్తర్వులు జారీ అయ్యాయి.