హ్యాపీ బర్త్ డే మై గ్రేటెస్ట్ పిల్లర్ ఆఫ్ సపోర్ట్ : బన్నీ

టాలీవుడ్ స్టైలిష్ స్టార్ అల్లు అర్జున్.. ప్రముఖ టాలీవుడ్ నిర్మాత బన్నీ వాసు పుట్టినరోజు ఈరోజు. ఈ సందర్భంగా ఐకాన్ స్టార్ అల్లు అర్జున్ బన్నీ వాసుకి సోషల్ మీడియా ద్వారా జన్మదిన శుభాకాంక్షలు తెలిపారు. అయితే ‘హ్యాపీ బర్త్ డే వాసు. ఇన్ని సంవత్సరాలుగా మై గ్రేటెస్ట్ పిల్లర్ ఆఫ్ సపోర్ట్’ అంటూ ట్వీట్ చేశారు అల్లు అర్జున్.
అయితే అల్లు అర్జున్ కు నిర్మాత బన్నీవాసు సన్నిహితుడు అన్న విషయం తెలిసిందే. సుకుమార్ దర్శకత్వంలోని 100% లవ్, పిల్లా నువ్వు లేని జీవితం, భలే భలే మగాడివోయ్, చావు కబురు చల్లగా (2021) సినిమాలకు బన్నీ వాసు నిర్మాణ సారధ్యం వహించిన విషయం తెలిసిందే. అలాగే గీతా ఆర్ట్స్ ను ముందుకు తీసుకొని వెళ్ళే వ్యక్తులలో బన్నీవాసు ఒకరు. అంతేకాకుండా బన్నీకి మంచి స్నేహితుడు కావడంతో ఆయనను బన్నీవాసు అని పిలుస్తుంటారు. కాగా అల్లు అర్జున్ ప్రస్తుతం ‘పుష్ప’ సినిమాలో బిజీగా ఉన్నాడు. సుకుమార్ దర్శకత్వంలో ఎర్ర చందనం నేపథ్యంలో తెరకెక్కుతున్న ఈ సినిమాలో రష్మిక మందన్న హీరోయిన్ గా నటిస్తున్న విషయం తెలిసిందే.