హిందీలో డియర్ కామ్రేడ్ క్రేజీగా దూసుకెళ్తుంది….!

టాలీవుడ్ స్టార్ హీరో విజయ్ దేవరకొండ హీరోగా మైత్రీ మూవీమేకర్స్ సంస్థ నిర్మించిన ‘డియర్ కామ్రేడ్’ జూలై 26, 2019న ప్రపంచవ్యాప్తంగా విడుదలైన విషయం తెలిసిందే. అయితే తెలుగులో ఈ సినిమాను తీసినా, ఒకేసారి తమిళ, కన్నడ, మలయాళ భాషల్లో డబ్ చేసి రిలీజ్ చేశారు. లవ్, పెయిన్, ఎమోషన్స్, యాంగర్… ఈ నాలుగింటిని కలగలిపి ‘డియర్ కామ్రేడ్’ మూవీని తెరకెక్కించారు.
అయితే… అప్పట్లో అనివార్య కారణాల వల్ల హిందీ వెర్షన్ విడుదల కాలేదు. దీంతో 2020 జనవరి 19న ‘డియర్ కామ్రేడ్’ హిందీ డబ్బింగ్ వెర్షన్ ను యూట్యూబ్ లో పోస్ట్ చేశారు. అప్పటి నుంచీ ఈ రోజు వరకూ ఆ సినిమాకి 250 మిలియన్ వ్యూస్ రావడం రికార్డ్ అనే చెప్పాలి. అంతేకాదు… 2.9 మిలియన్ లైక్స్ లభించాయి. కాగా విజయ్ దేవరకొండ నటించిన ‘అర్జున్ రెడ్డి’ హిందీలో రీమేక్ కావడంతో అక్కడ కూడా మంచి క్రేజ్ వచ్చింది. ఇప్పుడు ‘లైగర్’ మూవీతో విజయ్ దేవరకొండ బాలీవుడ్ లోకి డైరెక్ట్ ఎంట్రీ ఇవ్వనుండటం విశేషం.