స్టార్ హీరో విజయ్ స్టైలే వేరు… సైకిల్ పై వచ్చి ఓటేశాడు…

దేశంలో ఈరోజు ఐదు రాష్ట్రాల్లో ఎన్నికలు జరుగుతున్నాయి. ముఖ్యంగా దక్షిణ భారతదేశంలోని మూడు రాష్ట్రాలైన తమిళనాడు, కేరళ, పుదుచ్చేరి అసెంబ్లీలకు పోలింగ్ కొనసాగుతోంది. పశ్చిమ బెంగాల్, అస్సాం రాష్ట్రాల్లో మూడో దశ పోలింగ్ జరుగుతుంది.
అయితే తమిళనాడు, కేరళ పుదుచ్చేరిలో ఒకే విడతలో పోలింగ్ జరగనుండటం విశేషం. కరోనా వైరస్ చాలా తీవ్రంగా వ్యాపిస్తున్న ఈ సమయంలో ఈసీ అన్నిరకాలుగా జాగ్రత్తలు తీసుకుంది. కాగా తమిళనాడులోని 234 అసెంబ్లీ నియోజకవర్గాల్లో 88,936 పోలింగ్ కేంద్రాల్లో పోలింగ్ ప్రశాంతంగా కొనసాగుతోంది. ఈ ఎన్నికలో ఓటింగ్ కోసం పలువురు సినీ ప్రముఖులు క్యూలో నిలబడి మరీ ఓటు హక్కును వినియోగించుకుంటున్నారు. ముఖ్యంగా తమిళ స్టార్ హీరో విజయ్ వెరైటీగా సైకిల్ పై పోలింగ్ కేంద్రానికి వచ్చి ఓటేశాడు. దీనిపై సోషల్ మీడియాలో తీవ్ర చర్చ సాగుతుంది. దేశంలో పెరుగుతున్న పెట్రోల్ ధరలకు నిరసనగానే విజయ్ సైకిల్ పై వచ్చాడంటూ కొందరు అంటే.. కరోనా కాలంలో ఆరోగ్యంపై శ్రద్ధ తీసుకోవాలనే ఆయన సూచన చేసేందుకే అలా సైకిల్ పై వచ్చారని మరికొందరు అంటున్నారు. మొత్తానికి విజయ్ సైకిల్ పై రావడం అన్నది సోషల్ మీడియా హోరెత్తిస్తుంది.