సోనూసూద్ కి మరో అరుదైన గౌరవం…!
రీల్ హీరోనే కాకుండా రియల్ హీరోగా ఎంతో మానవతను చాటుకున్న నటుడు సోనూసూద్. కరోనా లాక్ డౌన్ సమయంలో వలసకూలీలకు అండగా నిలిచి దేశవ్యాప్తంగా ప్రశంసలు అందుకున్నాడు. విపత్తు సమయంలో సోనూసూద్ చేసిన సేవా కార్యక్రమాలకు అభినందనలతో పాటుగా.. పలు అవార్డులు కూడా ఆయనకు దక్కాయి.
అదేవిధంగా తాజాగా సోనూసూద్ కు మరో అరుదైన గౌరవం దక్కింది. వచ్చే ఏడాది రష్యాలో జరగబోయే స్పెషల్ ఒలింపిక్స్ వరల్డ్ వింటర్ గేమ్స్ కు భారత్ తరపున సోనూసూద్ బ్రాండ్ అంబాసిడర్గా ఎంపికయ్యారు. దీనిపై సోనూసూద్ స్పందిస్తూ.. ‘స్పెషల్ ఒలింపిక్స్ భారత్ జట్టు తరపున చేరినందుకు ఆనందంగా, గర్వంగా ఉందని.. ఇది తనకెంతో ప్రత్యేకం’ అని సోనూసూద్ వివరించారు.