సూపర్ హీరోగా దగ్గుబాటి రానా…
టాలీవుడ్ హీరో దగ్గుబాటి రానా వైవిధ్యభరితమైన పాత్రలను పోషిస్తూ తనకంటూ ప్రత్యేక ఇమేజ్ ను క్రియేట్ చేసుకున్నారు. అసలు ‘బాహుబలి’, ‘ది ఘాజి ఎటాక్’ వంటి వైవిధ్యమైన చిత్రాలతో పాన్ ఇండియా స్టార్ గా క్రేజ్ తెచ్చుకున్నారు. అయితే ప్రస్తుతం ఆయన బాలీవుడ్, టాలీవుడ్ లలో పలు భారీ ప్రాజెక్టులను చేస్తున్నారు. తాజా సమాచారం ప్రకారం రానా ఓ సూపర్ హీరో సినిమాలో ప్రధాన పాత్ర పోషిస్తున్నట్లు సమాచారం అందుతుంది. తాజాగా ఒక ఇంటర్వ్యూలో మాట్లాడుతూ రానా.. ‘ఇండియాలో ‘బాహుబలి’ అలాగే అమెరికాలో ‘స్టార్ వార్స్” అని అన్నాడు. ఆయన ప్రపంచ వ్యాప్తంగా విడుదలైన ‘ఎవెంజర్స్: ఇన్ఫినిటీ వార్’లో ఓ పాత్రకు తెలుగు వెర్షన్ కు డబ్బింగ్ చెప్పిన విషయం కూడా తెలిసిందే.
అదేవిధంగా ఆయన అదే ఇంటర్వ్యూలో ఓ విషయాన్ని ప్రస్తావించారు. ఆయనే స్వయంగా సూపర్ యాక్షన్ హీరో సినిమాలో నటించనున్నట్లు స్పష్టం చేశారు. అందులో తన పాత్ర, స్క్రిప్ట్, తారాగణం, సిబ్బంది, టైటిల్ వంటి ఇతర వివరాలు వెల్లడించలేదు కానీ… త్వరలో సూపర్ హీరో సినిమాలో కనిపించనున్నట్లు మాత్రం వివరించడం విశేషం. అంతేకాకుండా రానా నటించబోయే సూపర్ హీరో మూవీ ఏమై ఉంటుందా? అని తీవ్రంగా ఆలోచిస్తున్నారు ఆయన ఫ్యాన్స్. కాగా రానా దగ్గుబాటి చివరిసారిగా ‘అరణ్య’లో ప్రధాన పాత్రలో కన్పించారు. ప్రస్తుతం ఆయన సాగర్ కె.చంద్ర దర్శకత్వంలో శరవేగంగా షూటింగ్ పూర్తి చేసుకుంటున్న ‘అయ్యప్పనమ్ కోషియం’ తెలుగు రీమేక్లో పవర్ స్టార్ పవన్ కళ్యాణ్తో నటిస్తున్న విషయం తెలిసిందే. చూద్దాం ముందు మూందు ఆయన ఏ విధమైన సినిమాల్లో అలరించనున్నారో.