సూపర్ ఫాస్ట్ గా సూపర్ స్టార్ సంచలనం……!
‘సర్కారు వారి పాట’ సినీ నిర్మాతలు రీసెంట్ గా ఫస్ట్ నోటీసు అంటూ సినిమా నుంచి మహేష్ బాబు లుక్ ను విడుదల చేశారు. పొడవాటి జుట్టుతో, ఖరీదైన ఎరుపు రంగు కారులో మహేష్ బాబు కన్పించిన పోస్టర్ అభిమానుల అంచనాలను మరింత పెంచింది. ‘సర్కారు వారి పాట’ ఫస్ట్ నోటీసు పోస్టర్ లో ముగ్గురు బైకర్లు కన్పించడం ఆసక్తిని రేకెత్తించింది. ఈ పోస్టర్ ద్వారానే మేకర్స్ జనవరి 13న సినిమాను విడుదల చేయనున్నట్టు ప్రకటించారు. అంటే సంక్రాంతి సందర్భంగా ఈ సినిమా థియేటర్లకు వస్తుంది. ‘సర్కారు వారి పాట’ ఫస్ట్ నోటీసు ఇప్పుడు సరికొత్త రికార్డులు సృష్టిస్తోంది.
అదేమంటే… తెలుగు ఫిల్మ్ ఇండస్ట్రీలో ఫస్ట్ లుక్ తోనే అత్యంత వేగంగా 100కే లైక్లను పొందిన ఏకైన చిత్రంగా ‘సర్కారు వారి పాట’ కొత్త రికార్డును సృష్టించింది. ఆగష్టు 9వ తేదీన మహేష్ బాబు పుట్టినరోజు సందర్భంగా టీజర్ విడుదలవుతుందని టాక్ నడుస్తోంది. అలాగే ఆ టీజర్ ఇంకెన్ని రికార్డులు సృష్టిస్తుందో చూడాలి. ‘సర్కారు వారి పాట’కు పరశురామ్ దర్శకత్వం వహిస్తున్నారు. కీర్తి సురేష్ హీరోయిన్ గా నటిస్తున్న ఈ సినిమాని మైత్రి మూవీ మేకర్స్ పతాకంపై నవీన్ యెర్నేని, వై.రవిశంకర్, రామ్ ఆచంట, గోపీచంద్ ఆచంట సంయుక్తంగా నిర్మిస్తున్నారు. కాగా ఈ సినిమాకి థమన్ సంగీతం అందించారు. కె. వెంకటేశ్ ఎడిటర్ కాగా, ఎఎస్ ప్రకాష్ ఈ సినిమాకి ఆర్ట్ డైరెక్టర్ కావడం విశేషం.