సమంతకు నెట్ఫ్లిక్స్ భారీ ఆఫర్….
టాలీవుడ్ స్టార్ హీరోయిన్ అక్కినేని సమంతకు నెట్ఫ్లిక్స్ భారీ ఆఫర్ ఇచ్చింది. స్టార్ హీరోయిన్ గా టాలీవుడ్ లో మంచి క్రేజ్ సంపాధించుకున్న సమంత ఈమధ్యనే ‘ది ఫ్యామిలీ మాన్-2’ అనే వెబ్ సిరీస్ తో ప్రేక్షకుల ముందుకు వచ్చిన విషయం తెలిసిందే. అయితే ఈ వెబ్ సిరీస్ వివాదాస్పదమైనప్పటికీ సమంత నటనకు మాత్రం మంచి మార్కులే పడ్డాయి. అలాగే ఇందులో సమంత నటన చూసిన సెలెబ్రిటీలు ఫిదా కావడం, దీంతో ఈ బ్యూటీకి ఉన్న క్రేజ్ అమాంతం పెరిగింది.
అయితే ఇదే సమయంలో సమంత క్రేజ్ ను వాడుకోవాలని చూస్తోంది ప్రముఖ ఓటిటి సంస్థ నెట్ ఫ్లిక్స్. అందుకు సంబంధించి సమంతతో నెట్ ఫ్లిక్స్ త్రిభాషా వెబ్ సిరీస్ను ప్లాన్ చేస్తోందని తెలుస్తోంది. అందుకుగాను ఈ మధ్యనే సమంతను సంప్రదించారని, మూడు భాషల్లో తెరకెక్కనున్న వెబ్ సిరీస్ కోసం సమంతకు పారితోషికం కూడా భారీగా ఆఫర్ చేశారని చెప్తున్నారు. కాగా నెట్ఫ్లిక్స్ సమంతకు రూ.8 కోట్లకు పైగా వేతనం ఇస్తున్నట్లు సమాచారం అందుతుంది. అయితే ఈ వార్తే నిజమైతే భారతీయ వెబ్ ఎంటర్టైన్మెంట్ పరిశ్రమలో ఇప్పటివరకు ఇంతటి భారీ పారితోషికం అందుకునే తొలినటి సమంత కానుంది. కాగా వెబ్ సిరీస్ లో నటించడానికి సమంత కూడా చాలా ఉత్సాహం కనబరుస్తుందని, ఈ ప్రాజెక్టుపై ఆమె త్వరలో సంతకం చేయనున్నట్లు కూడా సమాచారం అందుతుంది. అయితే త్వరలోనే ఈ విషయంపై అధికారిక ప్రకటన వెలువడనుంది. అంతేకాకుండా సమంత మరిన్ని వెబ్ సిరీస్లు చేసేందుకు కూడా రెడీ అవుతున్నట్లు తెలుస్తోంది. ప్రస్తుతం ఈ బ్యూటీ ‘శాకుంతలం’ అనే మిథాలజీ మూవీ చేస్తున్న విషయం తెలిసిందే.