శ్రీశైలం జలాశయానికి తగ్గిన వరదనీరు….!

తెలుగు రాష్ట్రల్లో వర్షాలు ఇప్పుడు తగ్గాయి. ఈ ఏడాది చూసుకుంటే ఇంకా అంతగా వర్షపాతం నమోదు కాలేదనే చెప్పాలి. అలాగే ఎగువ నుంచి కూడా వరద కూడా రాకపోవడంతో శ్రీశైలం జలాశయంకి వచ్చిన వరద నీరు పూర్తిగా నిలిచిపోయింది.
అదేవిధంహా ప్రస్తుతం శ్రీశైలం జలాశయంలో ఇన్ ఫ్లో, ఔట్ ఫ్లో మాత్రం 21,189 గా నమోదైంది. అయితే శ్రీశైలం పూర్తి స్థాయి నీటి మట్టం 885.00 అడుగులు కాగా ప్రస్తుతం 820 అడుగులుగా ఉంది. పూర్తిస్దాయి నీటి నిల్వ 215.8070 టిఎంసీలు కాగా ప్రస్తుతం 40.8748 టీఎంసీలుగా నమోదైంది. అంతేకాకుండా ప్రస్తుతం ఎడమ గట్టు జల విద్యుత్ కేంద్రంలో విద్యుత్ ఉత్పత్తి కొనసాగుతుంది. కానీ… కుడి గట్టు విద్యుత్ కేంద్రాలలో విద్యుత్ ఉత్పత్తి మాత్రం ప్రారంభం కాలేదు. కాగా ఈరోజు నుంచి శ్రీశైలం జలాశయంపైకి సందర్శకుల అనుమతి నిరాకరించారు. తెలుగురాష్ట్రాల మధ్య జలవివాదం నెలకొన్ని ఈ నేపథ్యంలో ఈ నిర్ణయం తీసుకున్నారు. అయితే ఈ జలాశయం వద్ద ఏపీ, తెలంగాణ పోలీసుల భద్రత కొనసాగుతున్న విషయం తెలిసిందే.