శేఖర్ కమ్ముల పాన్ ఇండియా మూవీలో రౌడీ బేబీ….!
టాలీవుడ్ డైరెక్టర్ శేఖర్ కమ్ముల, కోలీవుడ్ స్టార్ హీరో ధనుష్ కాంబినేషన్ తో ఓ భారీ ప్రాజెక్ట్ రూపొందనున్న విషయం తెలిసిందే. అయితే ఈ ప్రతిష్టాత్మక సినిమాలో హీరోయిన్ గా రౌడీ బేబి సాయి పల్లవి నటించనుందనే టాక్ నడుస్తోంది. ఇప్పటికే శేఖర్ కమ్ముల దర్శకత్వంలో తెరకెక్కిన ‘ఫిదా, లవ్ స్టోరీ’ సినిమాలలో సాయి పల్లవి నటించింది. ఇదే కాని నిజమైతే శేఖర్ కమ్ముల, సాయి పల్లవి కాంబాలో చేస్తున్న హ్యాట్రిక్ మూవీ ఇది కానుండటం విశేషం.
అదేవిధంగా తాజాగా సాయి పల్లవి మెహేంది వేసుకున్న పిక్ ఒకటి సోషల్ మీడియాలో విపరీతంగా వైరల్ అవుతుంది. అందులో ఎల్లో కలర్ డ్రెస్ లో ఉన్న సాయి పల్లవి చేతులు, కాళ్ళకు మెహేంది పట్టుకొని మెరుస్తోంది. కాగా మంచి అభిరుచి కలిగి ఉండి కొత్త తరహా సినిమాలు చేస్తూ అటు ఆడియెన్స్ ను ఇటు జాతీయ స్థాయిలో అవార్డులు అందుకున్న శేఖర్ కమ్ముల, ధనుష్ కలయికలో సినిమా ప్రకటన రాగానే భారీ అంచనాలు నెలకొన్నాయి. కాగా తెలుగు, తమిళ, హిందీలో త్రిభాషా చిత్రంగా ఈ సినిమా తెరకెక్కనుంది. ఎస్వీసీఎల్ఎల్ పీ పతాకంపై నారాయణదాస్ నారంగ్, పి. రామ్మోహన్ రావు, శేఖర్ కమ్ముల, ధనుష్ సినిమాని నిర్మించనున్నారు. ధనుష్ తెలుగులో నటిస్తున్న తొలి స్ట్రైయిట్ మూవీ ఇది. ఎంతో ప్రతిష్ఠాత్మకంగా తెరకెక్కనున్న ఈ సినిమాలో నటించే నటీనటులు, సాంకేతిక నిపుణులు షూటింగ్ వివరాలను త్వరలో ప్రకటించే అవకాశాలు ఉన్నాయి.