విశాల్ కొత్త సినిమా షూటింగ్ స్టార్ట్….
కోలీవుడ్ స్టార్ హీరో విశాల్ 31వ సినిమా ఈరోజు ప్రారంభించింది. పూజా కార్యక్రమాలతో మొదలైన ఈ సినిమాతో షార్ట్ ఫిల్మ్స్ మేకర్ టి.పి. శర్వానన్ దర్శకుడిగా పరిచయం అవుతున్నాడు. అయితే ‘దేవి -2’ ఫేమ్ డింపుల్ హయతి హీరోయిన్ గా నటిస్తోంది. ప్రస్తుతం డింపుల్ తెలుగులో రవితేజ సరసన ‘ఖిలాడీ’ సినిమాలో చేస్తున్న విషయం తెలిసిందే.
అయితే యువన్ శంకర్ రాజా ఈ సినిమాకి సంగీతం అందిస్తున్నారు. బాలసుబ్రమణియన్ సినిమాటోగ్రఫీ అందిస్తుండటం విశేషం. ప్రస్తుతం ఆనంద్ శంకర్ దర్శకత్వంలో ‘ఎనిమి’ సినిమాలో ఆర్యతో కలిసి విశాల్ నటిస్తున్నాడు. ఈ మధ్యనే ఈ సినిమా షూటింగ్ పూర్తయ్యింది. ప్రస్తుతం పోస్ట్ ప్రొడక్షన్ వర్క్ జరుగుతోంది. అలాగే మిస్కిన్ దర్శకత్వంలో ‘తుప్పరివాలన్ -2’ చేయాల్సి ఉన్నా, క్రియేటివ్ డిఫరెన్సెస్ కారణంగా ఈ సినిమాకు బ్రేక్ పడింది. దీంతో శరవేగంగా ఈ 31వ సినిమా షూటింగ్ పూర్తి చేసి, ఆగస్ట్ నెలలో విడుదల చేయాలని విశాల్ చూస్తున్నారు. ఈ సినిమాకి నిర్మాత విశాల్ కావడం మరో విశేషం.