విడుదలకు రెడీ అయిన నల్లమల..!
టాలీవుడ్ లో నల్లమల అడవి నేపథ్యంలో ఎన్నో సినిమాలు వచ్చిన విషయం తెలిసిందే. అయితే వాటికి భిన్నంగా ఆ అడవి చుట్టూ జరిగిన ఎన్నో చీకటి కోణాలను, సామాన్య జనానికి తెలియని అవినీతి ఒప్పందాల నేపథ్యంలో ఆసక్తికర కథాంశంతో తాజాగా తెరకెక్కుతున్న సినిమా నల్లమల. అయితే అమిత్ తివారీ, భానుశ్రీ, నాజర్, తనికెళ్ల భరణి, అజయ్ ఘోష్, కాలకేయ ప్రభాకర్ ప్రధాన పాత్రల్లో నటిస్తున్న ఈ సినిమాకి రవి చరణ్ దర్శకుడు. ఆర్.ఎమ్ నిర్మిస్తున్న ఈ మూవీలోని సిద్ శ్రీరామ్ పాడిన ‘ఏమున్నవే పిల్లా’ సాంగ్ ఇప్పటికే 17 మిలియన్లకి పైగా వ్యూస్ సాధించి సంచలనం సృష్టించింది. అదేవిధంగా ఆ పాటకు లక్షకు పైగా కవర్సాంగ్స్ రావడం విశేషమని దర్శక నిర్మాతలు వెల్లడించారు.
అంతేకాకుండా మరో విశేషం ఏమిటంటే… ఈ సినిమా నుంచి విడుదలైన అన్ని పాటలు 1మిలియన్కి పైగా వ్యూస్ సాధించడం ఆడియన్స్ లో ఈ సినిమాపట్ల క్రేజ్ను అట్టే తెలియజేస్తుంది. కాగా ప్రస్తుతం ఈ మూవీ పోస్ట్ ప్రొడక్షన్ పనులు శరవేగంగా సాగుతున్నాయని.. త్వరలో విడుదల తేదీని కూడా ప్రకటిస్తామని సినిమా యూనిట్ స్పష్టం చేసింది.