రౌడీ హీరో విజయ్ తాజా రికార్డ్

టాలీవుడ్లో రౌడీ హీరోగా పేరొందిన విజయ్ దేవరకొండ స్టైలిష్ గా దూసుకుపోతున్నాడు. ఈ హీరోకి ఉన్న ఫ్యాన్ ఫాలోయింగ్ కూడా రోజు రోడుకీ రెట్టింపు అవుతుంది. క్యారెక్టర్ ఆర్టిస్ట్గా సినీ జీవితాన్ని ప్రారంభించన విజయ్ అనతి కాలంలోనే తనదైన నటనతో రౌడీ హీరోగా అభిమానాన్ని చూరగొన్నాడు.
అంతేకాకుండా తన ప్రతిభతో పాన్ ఇండియా రేంజ్ సినిమాతో తన రేంజ్ను మరింత పెంచేసుకున్నాడు. ప్రస్తుతం అగ్ర దర్శకులు కూడా విజయ్ డేట్స్ కోసం క్యూ కడుతున్నారంటే విజయ్ రేంజ్ ఏపాటిదో అర్థం చేసుకోవచ్చు. అయితే విజయ్కు సోషల్ మీడియాలో ఉన్న క్రేజ్ మామూలుగా ఉండదు. విజయ్ ఏ పోస్ట్ చేసినా వెంటనే వైరల్ గా మారుతుంది. ఇప్పటికే విజయ్ 10 మిలియన్ ఫాలోవర్స్ రికార్డు సాధించగా.. తాజాగా మరో రికార్డును అందుకున్నారు రౌడీ హీరో.
అదేమంటే విజయ్ తాజాగా మొత్తం సౌతిండియాలోనే అత్యధిక ఇన్స్టాగ్రామ్ ఫాలోవర్స్ ఉన్న హీరోగా విజయ్ రికార్డుల్లోకి ఎక్కాడు. సంవత్సర కాలంగా విజయ్ ఫాలోవర్స్ విపరీతంగా పెరిగారు. గత సంవత్సరం ఇదే సమయానికి సరిగ్గా ఏడు మిలియన్ ఫాలోవర్స్ కూడా లేరు. అలాంటిది ఈ సంవత్సర కాలంలో దాదాపు 11 మిలియన్ల ఫాలోవర్స్ రేంజ్ దక్కించుకున్నారు. కాగా ప్రస్తుతం విజయ్ మాస్ డైరెక్టర్ పూరి జగన్నాథ్ దర్శకత్వంలో లైగర్ సినిమా చేస్తున్నాడు. ఈ సినిమా తర్వాత సుకుమార్ డైరెక్షన్లో వార్ అనే సినిమా చేయనున్నారు. అభిమానులు లైగర్ సినిమా కోసం ఎంతో ఆసక్తిగా ఎదురుచూస్తుండటం విశేషం.