రాధేశ్యామ్ లో ఆ పాట కూడా ఉందట….
టాలీవుడ్ రెబల్ స్టార్ ప్రభాస్ తాజా సినిమా ‘రాధేశ్యామ్’. ఈ సినిమా షూటింగ్ దాదాపు పూర్తయిందనే చెప్పాలి. కృష్ణంరాజుకు సంబంధించి ఫ్లాష్ బ్యాక్ ఎపిసోడ్, కొద్దిగా ప్యాచ్ వర్క్. ఒకే ఒక్క పాట ఇక షూట్ చేయాల్సి ఉంది. కానీ ప్రభాస్ వ్యక్తిగత సిబ్బందికి కారోనా రావడంతో పాటు పూజాహెగ్డే కూడా కొవిడ్ 19 బారిన పడటంతో అర్థాంతరంగా షూటింగ్ ను నిలిపి వేశారు చిత్ర యూనిట్. అయితే గతంలో కొన్ని సినిమాల విషయంలో జరిగినట్టే… ఇప్పుడు కూడా ప్రభాస్, పూజా హెగ్డే మీద ఉన్న బాలెన్స్ పాటను షూటింగ్ జరపకుండానే మిగతా షూటింగ్ పార్ట్ పూర్తి చేసి గుమ్మడి కాయ కొట్టేయాలని దర్శక నిర్మాతలు మొదటి భావించినట్లు తెలుస్తోంది.
కానీ… ఈ సినిమాను నార్త్ లో రిలీజ్ చేస్తున్న టీ-సీరిస్ సంస్థ మాత్రం ఆ పాట షూటింగ్ పై పట్టుబట్టినట్టు సమాచారం అందుతుంది. సినిమాల్లో పాటలకు ఉండే ప్రాధాన్యత తెలిసిన టీ-సీరిస్ అంత తేలిగ్గా ఈ పాటను వదులకోవడానికి రెడీగా లేరని తెలుస్తోంది. ఎందుకంటే ఈ రోజు ఆడియో మాత్రమే కాదు… మూవీలోని సాంగ్ వీడియో కూడా మ్యూజిక్ కంపెనీలకు కోట్ల రూపాయలను వసూలు చేసి పెడుతోన్న విషయం తెలసిందే. దీంతో టీ-సీరిస్ సంస్థ ఒత్తిడితో యూవీ క్రియేషన్స్ అండ్ గోపీకృష్ణ మూవీస్ చివరకు ఆ పాటను కూడా షూట్ చేసేందుకు అంగీకరించినట్లు తెలుస్తోంది. కాగా కరోనా సెకండ్ వేవ్ తీవ్రత తగ్గిన వెంటనే ఈ పాట షూటింగ్ తో పాటు బాలెన్స్ ప్యాచ్ వర్క్ కూడా పూర్తి చేయనున్నట్లు తెలుస్తోంది. మొత్తం మీద ‘సాహో’ తర్వాత రాబోతున్న ప్రభాస్ ‘రాధేశ్యామ్’పై నార్త్ నిర్మాతలు చాలా క్లారిటీతోనే ఉన్నట్లు సమాచారం అందుతుంది.