రాధేశ్యామ్ నుంచి నాన్ స్టాప్ ప్రమోషన్స్…
టాలీవుడ్ రెబల్, పాన్ ఇండియా స్టార్ ప్రభాస్ పీరియాడికల్ రొమాంటిక్ లవ్ ఎంటర్టైనర్ ‘రాధే శ్యామ్’లో నటిస్తున్న విషయం తెలిసిందే. అయితే ఈ సినిమాలో ప్రభాస్ సరసన పూజా హెగ్డే నటిస్తోంది. ఈ సినిమాని ‘జిల్’ ఫేమ్ రాధాకృష్ణ కుమార్ తెరకెక్కిస్తున్నాడు.
అయితే ఈ సినిమా హిందీ, తెలుగు వెర్షన్లకు రెండు వేర్వేరు సౌండ్ట్రాక్ లు ఉన్నాయి. హిందీలో మిథూన్, మనన్ భరద్వాజ్ స్వరాలు సమకూర్చగా, జస్టిన్ ప్రభాకరన్ తెలుగు వెర్షన్లో పాటలు కంపోజ్ చేస్తున్నారు. అలాగే టీ-సిరీస్ గుల్షన్ కుమార్ సమర్పణలో యూవీ క్రియేషన్స్ – గోపీకృష్ణ బ్యానర్స్ పై భూషణ్ కుమార్ – వంశీ – ప్రమోద్ – ప్రసీద ఈ సినిమాని నిర్మిస్తున్నారు. అన్ని అనుకున్నట్లు జరిగితే జులై 30వ తేదీన ఈ సినిమా ప్రేక్షకుల ముందుకు రానుంది. ప్రస్తుతం ఎనిమిది రోజుల షూటింగ్ మిగిలి ఉండగా.. సినిమాకు సంబంధించిన పోస్ట్ ప్రొడక్షన్ పూర్తయింది. మొదటి కాపీ రెడీ అయిన తర్వాత నాన్స్టాప్ ప్రమోషన్లు ప్రారంభించనున్నట్లు తెలుస్తోంది. కాగా ఇది పాన్ ఇండియా సినిమా కావడంతో కరోనా పరిస్థితులు తగ్గేంతవరకు సినిమా షూటింగ్ స్టారట్ అయ్యే అవకాశాలు లేవు. ఇంకా కరోనా పూర్తిగా అదుపులోకి వచ్చిన తర్వాతనే సినిమా మేకర్స్ ఈ సినిమా తాలూకు ప్రచారాన్ని మొదలు పెట్టనున్నట్లు తెలుస్తోంది.