రాక్షసుడు సీక్వెల్ రానుంది… త్వరలో షూటింగ్…
టాలీవుడ్ లో ‘రాక్షసుడు’ సీక్వెల్ పై అధికారిక ప్రకటన వచ్చింది. బెల్లంకొండ సాయి శ్రీనివాస్ హీరోగా నటించిన సైకో థ్రిల్లర్ మూవీ ‘రాక్షసుడు’ బాక్సాఫీస్ వద్ద మంచి విజయాన్ని అందుకుంది. తమిళ హిట్ మూవీ ‘రాట్చసన్’కు రీమేక్ గా తెరకెక్కిన ఈ సినిమా కమర్షియల్ గానూ, నటనా పరంగానూ శ్రీనివాస్ కెరీర్ లో మర్చిపోలేని సినిమాగా మిగిలింది. రమేష్ వర్మ తెరకెక్కించిన ఈ థ్రిల్లర్ మూవీ ఆద్యంతం ఆసక్తికరంగా నడిచింది. కొనేరు సత్యనారాయణ క్రైమ్ థ్రిల్లర్ను నిర్మించారు. అయితే ఈ మూవీకి సీక్వెల్ ఉంటుందని ముందుగానే ప్రకటించారు కూడాను. అందులో భాగంగానే తాజాగా సీక్వెల్ కు సంబంధించిన అధికారిక ప్రకటనను ప్రకటించారు సినిమా యూనిట్.
అదేవిదంగా ‘రాక్షసుడు 2’ పేరుతో ఉన్న పోస్టర్ ను కూడా రిలీజ్ చేశారు. ఓ బిగ్ స్టార్ ఈ రీమేక్ లో హీరోగా నటించనున్నాడని ప్రకటించారు. దీంతో ఇందులో బెల్లంకొండ శ్రీనివాస్ కనిపించే అవకాశం లేదని స్పష్టమౌతుంది. అంతేకాకుండా ఈ సీక్వెల్ ను కూడా రమేష్ వర్మ దర్శకత్వంలో కోనేరు సత్యనారాయణ నిర్మించనున్నారు. గిబ్రాన్ సంగీతం అందిస్తున్నారు. త్వరలోనే సినిమా షూటింగ్ ప్రారంభం కానుంది. కాగా ఈ సినిమాలో ఎవరు హీరోగా నటించబోతున్నారు వంటి వివరాలు అతి త్వరలోనే వెల్లడికానున్నాయి