రష్మిక గుండు పై పేలుతున్న సెటైర్స్
టాలీవుడ్ స్టార్ హీరోయిన్ రష్మిక మందన్నా గుండుతో ఉన్న ఫోటోలు గత రెండు రోజులుగా నెట్టింట్లో వైరల్గా మారిన విషయం తెలిసిందే. అయితే ఆ పిక్స్ చూసిన నెటిజన్లు రకరకాల కామెంట్స్ గుప్పిస్తున్నారు. దీంతో రష్మిక డై హార్ట్ ఫ్యాన్స్ ఫైర్ అవుతున్నారు.
అసలేం జరిగింది అంటే… తమిళనాడులోని కొన్ని సెలూన్ బోర్డులపై ప్రస్తుతం గుండుతో ఉన్న రష్మిక ఫోటోలు దర్శనమిస్తున్నాయి. తమ వ్యాపారం కోసం కొంతమంది ఇలా రష్మిక ఫోటోను వాడేశారని తెలిసి ఆమె ఫ్యాన్స్ తీవ్ర ఆగ్రహంతో రగిలిపోతున్నారు. ఆవేశకావేశాలను సోషల్ మీడియా వేదికగా వ్యక్తం చేస్తున్నారు. సోషల్ మీడియాలో ఎక్కువగా షేర్ చేస్తున్న ఇతర హీరోయిన్ల ఫ్యాన్స్ పేజీలకు వార్నింగ్ లు కూడా ఇచ్చేస్తున్నారు రష్మిక ఫ్యాన్స్.
అంతేకాకుండా వారి అభిమానించే హీరోయిన్స్ ఫోటోలను కూడా ఎడిట్ చేస్తూ.. మీమ్స్ సృష్టిస్తూ షేర్ చేస్తున్నారు. దీంతో రష్మిక గుండు వివాదం సోషల్ మీడియాలో తీవ్ర రచ్చకు దారితీసింది. మరి ఈ విషయం ఎన్నిరోజులు ఇలా చర్చోపచర్చలకు దారితీస్తుందో చూడాలి మరి. మధ్యలో రష్మిక దూరి వీరి ఆవేశాలను అణచివేసే ప్రయత్నాలు వంటివి ఏమైనా జరుగుతాయేమో చూడాలి.