యూట్యూబ్ లో అఖండ సెన్షేషన్…
టాలీవుడ్ నటసింహం నందమూరి బాలకృష్ణ, మాస్ దర్శకుడు బోయపాటి శ్రీను కాంబినేషన్లో రాబోతున్న హ్యాట్రిక్ మూవీగా భారీ యాక్షన్ ఎంటర్టైనర్ ‘అఖండ’. అయితే ఉగాది కానుకగా విడుదలైన టైటిల్ రోర్ ‘అఖండ’కు ప్రేక్షకుల నుంచి మంచి ఆదరణ వచ్చింది. ‘అఖండ’ టైటిల్, టీజర్ లో బాలకృష్ణ గెటప్, ఆయన డైలాగ్స్, థమన్ సమకూర్చిన నేపథ్య సంగీతం ఫ్యాన్స్ ను విశేషంగా ఆకట్టుకున్నాయి.
అదేవిధంగా ఏప్రిల్ 13న విడుదలైన టైటిల్ రోర్ ‘అఖండ’ 15 మిలియన్ల వ్యూస్ ను దాటేసి రికార్డ్ సృష్టించింది. అంతేకాకుండా 300కే లైక్స్ రాగా… ఇంకా యూట్యూబ్ లో ట్రెండ్ అవుతూనే ఉంది. ఈ సినిమా నుంచి విడుదల చేసిన హీరో పరిచయ టీజర్ కే ఇంత భారీ రెస్పాన్స్ వచ్చిందంటే… ఇక సినిమాపై ఎలాంటి అంచనాలు ఉన్నాయో అర్థం చేసుకోవచ్చు. కాగా ‘అఖండ’లో ప్రగ్యా జైస్వాల్ హీరోయిన్. పూర్ణ, జగపతి బాబు కీలకపాత్రలు పోషిస్తున్నారు. ద్వారకా క్రియేషన్స్ బ్యానర్పై మిర్యాల రవీందర్ రెడ్డి ఈ సినిమాని నిర్మిస్తున్నారు. మే 28వ తేదీన ఈ సినిమా రిలీజ్ కానుంది. సింహా, లెజెండ్ సినిమాల తర్వాత వీరిద్దరి కాంబినేషన్లో వస్తున్న ఈ మూవీపై అభిమానులలో భారీగా అంచనాలు నెలకొన్నాయి. దీంతో సినిమా విడుదలయ్యే వరకు ఈ సినిమా ఇంకెన్ని రికార్డ్స్ సృష్టిస్తుందో చూడాలి.