మీటింగ్ కోసం ప్రియాంక మట్టిలో పరుగులు

కాంగ్రెస్ పార్టీ ప్రస్తుతం కాస్తా కూస్తో క్రేజ్ ఉన్న నాయకురాలు ఎవరైనా ఉన్నారంటే ఆమే ప్రియాంకా గాంధీ వాద్రా. ప్రస్తుతం ప్రియాంకా అస్సాం ప్రచారంలో పాల్గొంటున్నారు. తాజాగా టీ ఎస్టేట్లో కూలీలతో కలిసి ఆమె కూడా తేయాకు తెంపారు. అయితే ఈరోజు ప్రియాంక గాంధీకి సంబంధించిన మరో వీడియో వైరల్ గా మారింది. ఆమె పరిగెత్తుతూ సభా వేదిక వద్దకు చేరుకుంటున్న వీడియో. అసలేం జరిగింది అంటే ప్రియాంకా గాంధీ మంగళవారం అస్సాంలో నిర్వహించిన బహిరంగ సభకు హాజరుకావాల్సి ఉండగా ఆ కార్యక్రమం కొంచం ఆలస్యమైంది.
అప్పుడు అసలే ఆలస్యం కావడంతో ప్రియాంక పరిగెత్తుకుంటూ వేదిక వద్దకు చేరుకున్నారు. మెరూన్ రంగు చీరలో ఉన్న ప్రియాంక మట్టిలో పరుగులు తీస్తూ వేదిక వద్దకు చేరుకున్నారు. ఆ సమయంలో ఆమె చుట్టూ ఉన్న బాడీ గార్డులు కూడా పరుగులు పెట్టారు. ప్రియాంక గాంధీ పరిగెత్తుకుంటూ వస్తుండగా.. అక్కడ నిల్చొన్న జనం చప్పట్లు కొడుతూ ఆమెకు స్వాగతం పలికారు. ఆ సమయంలో వారందరికి చేతులెత్తి నమస్తే చెప్తూ ప్రియాంక వేదిక వద్దకు చేరుకున్న విషయం అందరినీ ఆకర్షిస్తుంది.