మిస్ ఇండియా ఖాతాలో మరో రికార్డ్..!

హీరోయిన్ కీర్తి సురేష్ ప్రధాన పాత్రలో నటించిన లేడీ ఓరియెంటెడ్ సినిమా ‘మిస్ ఇండియా’. గత ఏడాది ఓటిటిలో విడుదలై ఫర్వాలేదన్పించుకుంది ఈ సినిమా. కీర్తి సురేష్ కు 20వ చిత్రమైన ‘మిస్ ఇండియా’ తాజాగా ఓ అరుదైన రికార్డును క్రియేట్ చేసింది. ఈ సినిమాని హిందీలో డబ్ చేసి యూట్యూబ్ లో రిలీజ్ చేశారు. ఆ హిందీ వెర్షన్ కు రెండు రోజుల్లోనే ఏకంగా 2.6 కోట్ల వ్యూస్, 7.2 లక్షల లైకులు, 21 వేల కామెంట్స్ వచ్చాయి. తెలుగులో మిశ్రమ సమీక్షలను అందుకున్న ఈ సినిమా హిందీలో మాత్రం దుమ్మురేపుతుండటం విశేషం.
అదేవిధంగా ఈమధ్య తెలుగులో డిజాస్టర్లుగా నిలిచిన సినిమాలు హిందీలో మాత్రం హిస్టరీని క్రియేట్ చేస్తూ బాలీవుడ్ ప్రేక్షకులను ఓ రేంజ్ లో ఆకట్టుకుంటున్న విషయం తెలిసిందే. తెలుగు వాళ్లకు పెద్దగా నచ్చని కంటెంట్ నే హిందీ వాళ్ళు సూపర్ అంటున్నారు. కాగా ‘మిస్ ఇండియా’కు నరేంద్ర నాథ్ దర్శకత్వం వహించాడు. ఈస్ట్ కోస్ట్ ప్రొడక్షన్స్ పతాకంపై మహేష్ ఎస్ కొనేరు ఈ సినిమాను నిర్మించారు. ఇందులో జగపతి బాబు, రాజేంద్ర ప్రసాద్ ముఖ్య పాత్రల్లో నటించగా, డాని సాంచెజ్-లోపెజ్, సుజిత్ వాసుదేవ్ సినిమాటోగ్రఫీని, తమన్ సంగీతం సమకూర్చారు. 2020 నవంబర్ 4న ఈ చిత్రం నెట్ఫ్లిక్స్ లో విడుదలైన ఈ సినిమా ఒకేసారి తెలుగు, తమిళ, మలయాళ భాషల్లో స్ట్రీమింగ్ కావడం విశేషం.