‘మహా సముద్రం’ మోషన్ పోస్టర్….
టాలీవుడ్ లో శర్వానంద్, సిద్ధార్థ్ ప్రధాన పాత్రలను పోషించే ఎనర్జిటిక్ యాక్షన్ డ్రామా ‘మహా సముద్రం’. ‘ఆర్ఎక్స్ 100’ ఫేమ్ డైరెక్టర్ అజయ్ భూపతి ఈ సినిమాకి దర్శకత్వం వహిస్తున్నారు. యాక్షన్ అండ్ రొమాంటిక్ డ్రామా ‘మహా సముద్రం’ను ఎకె ఎంటర్టైన్మెంట్స్ నిర్మిస్తోంది. ఇందులో అదితి రావు హైదరి, అను ఇమ్మాన్యుయేల్ హీరోయిన్లుగా నటిస్తున్నారు. జగపతి బాబు, రావు రమేష్ కీలక పాత్రలు పోషిస్తున్నారు. అయితే ఇది 2021 ఆగస్టు 19న థియేటర్లలోకి రానుంది. అందులో భాగంగా ఈ మూవీ యూనిట్ ఇప్పటికే సినిమా షూటింగ్ ను పూర్తి చేసింది. ఇప్పుడు సినిమా ప్రమోషన్లపై దృష్టిని సారించింది. ఈ క్రమంలో తాజాగా ‘మహా సముద్రం’ మోషన్ పోస్టర్ ను విడుదల చేసింది.
అయితే క్యారెక్టర్స్ ఇంట్రోకు సంబంధించిన ఈ వీడియోను అజయ్ భూపతి తన ట్విట్టర్లో షేర్ చేశారు. ఈ వీడియోలో అద్భుతమైన బ్యాక్గ్రౌండ్ స్కోర్ ఉండగా… త్వరలోనే అప్డేట్స్ ఇవ్వనున్నట్లు మేకర్స్ వివరించారు. ‘మహా సముద్రం’ మోషన్ పోస్టర్ లో చైతన్ భరద్వాజ్ సంగీతం, ప్రధాన పాత్రధారుల సీరియస్ లుక్ సినిమాపై అంచనాలను భారీగా పెంచేస్తోంది. కాగా శర్వానంద్, సిద్ధార్థ్ కోపంగా కనిపించడం వారి అభిమానుల దృష్టిని విపరీతంగా ఆకర్షిస్తోంది. అయితే సిద్ధార్థ్ చేతిలో తుపాకీ పట్టుకొని ఉండగా, శర్వానంద్ సీరియస్ గా కనిపిస్తుండటం అభిమానుల్లో సినిమా పట్ల ఆసక్తిని రేకెత్తించేస్తుంది. మరి ఈ సినిమా విడుదలకు ముందే ఇంకెంత హైప్ ను క్రియేట్ చేస్తుందో చూడాలి.