భారీ రీమేక్ కి నో చెప్పిన సాయిపల్లవి..?

టాలీవుడ్ యంగ్ హీరో బెల్లంకొండ శ్రీనివాస్ ‘ఛత్రపతి’ రీమేక్ తో బాలీవుడ్లోకి ఎంట్రీ ఇవ్వబోతున్నారు. ఈ సినిమాకి వివి వినాయక్ దర్శకత్వం వహిస్తుండగా… పెన్ స్టూడియోస్ బ్యానర్ పై జయంతిలాల్ గడ నిర్మిస్తున్నారు. అయితే ఎంతో కాలంగా ఈ హిందీ రీమేక్ లో బెల్లంకొండ సరసన స్టార్ హీరోయిన్ ను ఎంపిక చేసేందుకు తీవ్రంగా ప్రయత్నిస్తుంది సినిమా యూనిట్. అందులో భాగంగా ఇప్పటికే కియారా అద్వానీ, మరికొందరు బి-టౌన్ హీరోయిన్లను మూవీ టీం సంప్రదించింది. అయితే ఈ సినిమా కోసం ఒప్పించేందుకు మేకర్స్ భారీ రెమ్యూనరేషన్ ఆఫర్ చేసినా గానీ నటించేందుకు మాత్రం నారీమణులు తిరస్కరిస్తున్నట్లు సమాచారం అందుతుంది.
తాజాగా అందుతున్న సమాచారం ప్రకారం ఈ సినిమా కోసం రౌడీ బేబీ.. సాయి పల్లవిని ఆశ్రయించారని తెలుస్తోంది అందుకు గానూ రూ.2 కోట్ల భారీ రెమ్యూనరేషన్ కు కూడా ఆఫర్ చేశారని సమాచారం. అయితే తన బిజీ షెడ్యూల్ తో కారణంగా సాయి పల్లవి ఈ ఆఫర్ ను సున్నితంగా తిరస్కరించిందనే టాక్ వినిపిస్తుంది. మరి ఈ సినిమా కోసం ఏ హీరోయిన్ ను ఎంపిక చేస్తారు అనేది ఆసక్తికరంగా మారింది. కాగా బెల్లంకొండ శ్రీనివాస్ ను 2014లో ‘అల్లుడు శీను’ సినిమాతో వివి వినాయక్ పరిచయం చేశాడు. ఇప్పుడు వీరిద్దరి కాంబోలో తెరకెక్కుతున్న రెండో సినిమా ‘ఛత్రపతి’ రీమేక్ కావడం విశేషంగా చెప్పవచ్చు.