ప్రియాంక చోప్రా హోలీ సంబరం…
బాలీవుడ్ లోనే కాకుండా హాలీవుడ్ లోనూ ప్రత్యేక గుర్తింపు తెచ్చుకున్న బ్యూటీ ప్రియాంక చోప్రా. నిక్ జోనాస్ను పెళ్లాడిన తర్వాత లండన్లో సెటిల్ అయిపొయిందీ అందం. అయితే ఈమధ్యే ప్రియాంక రెస్టారెంట్ రంగంలోకి కూడా దిగింది. న్యూయార్క్ లో ‘సోనా’ పేరుతో రెస్టారెంట్ ప్రారంభించింది. ఈ రెస్టారెంట్ లో భారతీయ వంటకాలను కూడా న్యూయార్క్ ప్రజలకు పరిచయం చేస్తోంది ఈ భామామణి.
తాజాగా ప్రియాంక చోప్రా హోలీ వేడుకను తన భర్త నిక్ జోనాస్తో కలిసి ఆనందంగా జరుపుకుంది. అందుకు సంబంధించిన ఫొటోలను ప్రియాంక తన సోషల్ మీడియాలో షేర్ చేసింది. తన భర్త నిక్ జోనాస్తో పాటుగా ఫ్యామిలీతో ఎంజాయ్ చేసింది ప్రియాంక. ఈ సందర్భంగా ‘నాకు నచ్చిన పండుగలలో హోలీ ఒకటి. ప్రతి ఒక్కరు మీ శ్రేయోభిలాషులతో ఇంట్లోనే హోలీ వేడుక జరుపుకుంటారని ఆశిస్తున్నాను’ అంటూ ప్రియాంక పేర్కొనడం విశేషం.