ప్రముఖ సినీనటి… జయంతి ఇకలేరు…!

ప్రముఖ సీనియర్ నటి జయంతి ఈరోజు కన్నుమూశారు. దీంతో సౌత్ చిత్ర పరిశ్రమ తీవ్ర దిగ్భ్రాంతిని వ్యక్తం చేసింది. గత రెండేళ్లుగా ఆమె శ్వాససంబంధమైన రుగ్మతతో బాధపడుతున్న విషయం తెలిసిందే. అయితే అదే అనారోగ్య కారణంతో జయంతి ఈరోజు మృతి చెందారు.

అదేవిధంగా జయంతి… తెలుగు, తమిళం, కన్నడం, మలయాళం, హిందీ భాషల్లో సుమారుగా 500లకు పైగా సినిమాల్లో నటించి ప్రేక్షకులను మెప్పించారు. ఆదివారం రాత్రి బెంగళూరులోని బనశంకరీలోని తన నివాసంలో ఆనారోగ్యం కారణంగా మృతి చెందడంతో వారికి పలువురు తీవ్ర సంతాపాన్ని వ్యక్తం చేస్తున్నారు. అలాగే 1968లో జైగూండు సినిమాతో సినీ పరిశ్రమకు పరిచయం అయిన జయంతి.. 190 కన్నడ సినిమాలతో పాటు మొత్తం 500లకు పైగా చిత్రాల్లో నటించారు. మిస్ లీలావతి సినిమాలోని నటనకు ఆమెకు జాతీయ అవార్డు లభించింది. కాగా కన్నడ చిత్రపరిశ్రమ ఆమెకు అభినయ శారదే అనే బిరుదుతో సత్కరించింది. జయంతి మృతిపట్ల జాతీయ చిత్ర పరిశ్రమ సంతాపం తెలియజేసి వారి కుటుంబ సభ్యులకు ప్రగాఢ సానుభూతిని ప్రకటించింది.