పూజా అస్సలు తగ్గట్లేదుగా…. అమాంతంగా రెమ్యూనరేషన్..

టాలీవుడ్ స్టార్ హీరోయిన్, బుట్టబొమ్మ పూజాహెగ్డే ప్రస్తుతం చేతినిండా సినిమాలతో బిజీ బిజీగా గడుపుతుంది. వరుస సినిమాలతో ఫుల్ జోష్ లో ఆమె కెరీర్ నడుస్తోంది. పాన్ ఇండియా రేంజ్ లో ఈ బ్యూటీకి భారీ క్రేజ్ ఉంది. ప్రస్తుతం పూజాహెగ్డే ప్రభాస్ తో రొమాంటిక్ ఎంటర్టైనర్ ‘రాధేశ్యామ్’లో.. తలపతి విజయ్ సరసన ‘బీస్ట్’ లో నటిస్తోంది. అలాగే బాలీవుడ్ లో కూడా ఈ అమ్మడు పలు ప్రాజెక్టులతో బిజీగా ఉంది. మరి ఇంత క్రేజ్ ఉన్న ఆ భామ ఇప్పుడు ఒక్కసారిగా రెమ్యూనిరేషన్ భారీగా పెంచేస్తున్నట్లు తెలుస్తోంది. తన నెక్స్ట్ మూవీకి పూజాహెగ్డే షాకింగ్ రెమ్యూనరేషన్ కోరుతుందనేది టాక్ నడుస్తోంది.
అదేమంటే… టాలీవుడ్ డైరెక్టర్ వంశీ పైడిపల్లి సినిమాలో నితిన్ హీరోగా పూజా సైన్ చేసినట్లు తెలుస్తోంది. ఈ సినిమాకు పూజ గ్రీన్ సిగ్నల్ ఇవ్వడానికి నిర్మాతలు ఏకంగా రూ.3.5 కోట్లు ఇచ్చారని సమాచారం. ఇదే నిజమైతే దక్షిణాదిన భారీ రెమ్యూనరేషన్ తీసుకునే హీరోయిన్లలో పూజాహెగ్డే కూడా చేరిపోయినట్లే. కాగా ప్రస్తుతం ఈ బ్యూటీకి సౌత్ యూత్ తో పాటు ఫ్యామిలీ ఫ్యాన్స్ కూడా ఉన్నారు. త్రివిక్రమ్, మహేష్ ప్రాజెక్ట్ లో కూడా పూజా పేరు విన్పిస్తోంది. స్టార్ హీరోలంతా వరుసగా ఆమెకే ఓటేస్తుండడంతో టాలీవుడ్ లో టాప్ హీరోయిన్ గా పూజా హవా మామూలుగా సాగుడం లేదు. దీంతో అన్నింటికీ డిమాండ్ ఏర్పడటం విశేషం.