పుష్ప మరో రికార్డ్ బ్రేక్ చేసేసిందిగా…..

టాలీవుడ్ స్టైలీష్ స్టార్ అల్లు అర్జున్, సుకుమార్ కాంబినేషన్ లో తెరకెక్కుతున్న పాన్ ఇండియా సినిమా ‘పుష్ప’. క్రియేటివ్ డైరెక్టర్ సుకుమార్ ‘పుష్ప’ ను ఎంతో ప్రతిష్టాత్మకంగా తీసుకొని చేస్తున్నారు. ఇందులో రష్మిక మందన్న హీరోయిన్ గా నటిస్తోన్న విషయం తెలిసిందే. అలాగే ఈ సినిమాలో మలయాళ స్టార్ ఫహద్ ఫాసిల్ విలన్ పాత్రలో దర్శనమివ్వబోతున్నారు.
అయితే ఈ సినిమా నుంచి అల్లు అర్జున్ ను పుష్పరాజ్ గా పరిచయం చేసిన టీజర్ ఇప్పటికే టాలీవుడ్లో చాలా రికార్డులను సృష్టించింది. ఆర్.ఆర్.ఆర్ నుంచి జూనియర్ ఎన్టీఆర్ ఇంట్రడక్షన్ టీజర్ ‘రామరాజు ఫర్ భీమ్’ రికార్డును కూడా బ్రేక్ చేసింది. అంతేకాకుండా టాలీవుడ్ లో 1.2 మిలియన్లకు పైగా లైక్లను సాధించిన టీజర్గా పుష్పరాజ్ టీజర్ నిలిచింది. కాగా పుష్ప రాజ్ ఈ ఘనత సాధించడానికి 11 రోజులు కాగా… జూనియర్ ఎన్టీఆర్ ‘రామరాజు ఫర్ భీమ్’ వీడియో 40 రోజుల్లో ఈ మార్కును దాటడం విశేషం. అయితే తాజాగా పుష్ప మరో రికార్డు నమోదు చేసుకుంది. టాలీవుడ్ లో అంత్యంత్య వేగంగా 50+ మిలియన్ల వీక్షణలను సాధించిన ఘనత పుష్పరాజ్ సొంతం చేసుకోవడం విశేషం. ప్రస్తుతం యూట్యూబ్ లో పుష్పరాజ్ హవా చూస్తుంటే టాలీవుడ్ లో ఇతర హీరోలకు భారీ టార్గెట్ ను నిర్దేశించడం ఖాయంగా కన్పిస్తోంది. మరి పుష్ప ఇప్పుడే ఇలా రిలీజ్ అయ్యేనాటికి మరెన్ని రికార్డులను క్రియేట్ చేస్తుందో చూడాలి.