పింగళి వెంకయ్యకు భారత రత్న ఇవ్వాలి

ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి మరోసారి ప్రధాని నరేంద్రమోడీకి లేఖ రాశారు. జాతీయ పతాక రూపశిల్పి పింగళి వెంకయ్యకు భారత రత్న ఇవ్వాలని లేఖలో సీఎం జగన్ పేర్కొన్నారు.
అయితే జాతీయ పతాక రూపశిల్పి అయిన పింగళి వెంకయ్యకు భారత రత్న ఇస్తేనే తగిన గుర్తింపు వస్తుందని ఆయన లేఖలో తెలిపారు. అజాదీ కా అమృత్ మహోత్సవ్ జరుగుతున్న సందర్భంలో జాతీయ పతాక రూపశిల్పికి భారత రత్న ఇవ్వడం సముచితమని వెల్లడించారు. మహాత్మా గాంధీ సిద్దాంతాలతో స్వాతంత్ర్య పోరాటం చేసిన పింగళి వెంకయ్యను భారత రత్నతో సత్కరించాలని ఆయన కోరారు. పింగళి వెంకయ్యకు ఇప్పటి వరకు సరైన గుర్తింపు లభించలేదని.. సీఎం జగన్ వివరించారు. కాగా.. ఇప్పటికే విశాఖ స్టీల్ప్లాంట్ పై ప్రధాని మోడీకి లేఖ రాసిన జగన్ ఈసారి భారత రత్న కోసం మరో లేఖ రాయడం విశేషం.