పంచతంత్రం టైటల్ పోస్టర్ రిలీజ్
హర్ష పులిపాక రచన, దర్శకత్వంలో అఖిలేష్ వర్థన్, సృజన్ ఎరబోలు నిర్మిస్తున్న పంచతంత్రం టైటిల్ పోస్టర్ ఈరోజు రిలీజైంది. అయితే ఈ సినిమాకు సంబంధించిన పూజా కార్యక్రమాలు ఫిబ్రవరిలోనే జరిగాయి. రాహుల్ విజయ్, శివాత్మిక రాజశేఖర్, నరేశ్ అగస్త్య, సముతిర ఖని, బ్రహ్మానందం, స్వాతిరెడ్డి ఈ సినిమాలో కీలక పాత్రలు పోషించారు. అప్పుడే రెగ్యులర్ షూటింగ్ ను స్టార్ట్ చేసిన ఈ సినిమా తాలూకూ అప్డేట్ ఒకటి తాజాగా హల్ చల్ చేస్తుంది. గురువారం శివాత్మిక పుట్టిన రోజు సందర్భంగా ఈ మూవీ టైటిల్ లోగోతో పాటు ఆమెకు సంబంధించిన ఫస్ట్ లుక్ ను విడుదల చేసింది సినిమాయూనిట్. దీన్ని అడివి శేష్ తన సోషల్ మీడియా అక్కౌంట్ ద్వారా రిలీజ్ చేసి చిత్ర యూనిట్ కు శుభాకాంక్షలు తెలిపడం విశేషం.
అదేవిధంగా ‘కలర్ ఫోటో’తో దర్శకుడిగా మారిన సందీప్ రాజ్ ఈ సినిమాకి మాటలు రాశారు. ఇంకా ప్రముఖ సంగీత దర్శకుడు ప్రశాంత్ ఆర్ విహారి ఈ సినిమాకి స్వరాలు అందిస్తున్నారు. కాగా స్టోరీపై దర్శకుడు హర్ష పులిపాక మాట్లాడుతూ… ‘ప్రతి జీవికి అవసరమైన పంచేంద్రియాలు – చూపు, వినికిడి, రుచి, స్పర్శ, వాసన… ఏవైతే ఉన్నాయో వాటి చుట్టూ అల్లుకున్న కథాంసంతో ఈ సినిమా తెరకెక్కిస్తున్నామని అన్నారు. ఇంకా ఐదు భావోద్వేగాల మిళితమైన చక్కటి స్టోరీ ఇది అని కూడా వివరించారు. యువతరం ఆలోచనలు, వాళ్ల దృక్పథాలకు అద్దం పట్టేలా కథా, కథనాలు ఉంటాయని ఆయన స్పష్టం చేశారు.