నేడే సీఎం జగన్ చేతుల మీదుగా ఓర్వకల్లు విమానాశ్రయం ప్రారంభం

ఆంధ్రప్రదేశ్ లోని రాయలసీమలో మరో కొత్త విమానాశ్రయం ప్రారంభం కానుంది. కర్నూలు జిల్లాలోని ఓర్వకల్లులో కొత్త విమానాశ్రయాన్ని ఈరోజు ముఖ్యమంత్రి వైఎస్ జగన్ చేతుల మీదుగా ప్రారంభం కాబోతుంది.
అయితే ఇప్పటికే ఈ విమానాశ్రయానికి అనుమతులు లభించడంతో పనులు వేగంగా పూర్తి చేశారు. విమానాల రాకపోకలకు సంబంధించి అన్ని రకాల అనుమతులు రావడంతో విమానాశ్రయం ప్రారంభం కానున్నట్లు అధికారులు వెల్లడించారు. రాయలసీమలో ఇప్పటికే రెండు విమానాశ్రయాలు ఉన్నాయి. కడప, రేణిగుంటల్లో విమానాశ్రయాలు ఉన్న విషయం తెలిసిందే. కాగా.. ఇప్పుడు కర్నూలు జిల్లాలోని ఓర్వకల్లులో ఏర్పాటు చేసిన విమానాశ్రయంతో కలిపి మొత్తం మూడు విమానాశ్రయాలు రాయలసీమలోనే ఉండటం విశేషం.