నితిన్ ప్లాప్ సినిమాకే టీఆర్పీ ఎక్కువ…!
టాలీవుడ్ యంగ్ హీరో నితిన్ ఈ ఏడాది చెక్, రంగ్ దే అనే రెండు సినిమాలతో ప్రేక్షకులను పలకరించారు. ‘చెక్’ సినిమాకి చంద్రశేఖర్ యేలేటి దర్శకత్వం వహించగా, ఇందులో రకుల్ ప్రీత్ సింగ్, ప్రియా ప్రకాష్ వారియర్ ప్రధాన పాత్రలను పోషించారు. అయితే ఈ సినిమా ఫ్లాప్ టాక్ ను తెచ్చుకుంది. ‘చెక్’లో తప్పుడు ఆరోపణలతో ఉగ్రవాదిగా నిరూపితమైన ఆదిత్యకు మరణశిక్ష ఖరారవుతుంది. అయితే ఆదిత్య జైలులో చెస్ నేర్చుకుంటాడు. ఛాంపియన్ తో ఆడి గెలుస్తాడు కూడా. కానీ.. అతను కోరుకున్న క్షమాభిక్ష మాత్రం దొరకదు. తనకు పడిన శిక్షణ నుంచి ఆదిత్య ఎలా తప్పించుకున్నాడు? అనే స్టోరీని బాగా ఆవిష్కరించాడు దర్శకుడు. అయితే తాజాగా ‘చెక్’ టెలివిజన్ లో ప్రీమియర్ కాగా మంచి రెస్పాన్స్ రావడం అందరినీ ఆశ్చర్యానికి గురి చేసింది.
అంతేకాకుండా ఈ సినిమా బుల్లితెరపై ఏకంగా 8.53 టీఆర్పీని నమోదు చేసింది. అలాగే నితిన్ నటించిన రొమాంటిక్, కామెడీ ఎంటర్టైనర్ ‘రంగ్ దే’ కూడా ఈ మధ్య టీవీలో ప్రదర్శించబడింది. మంచి హిట్ టాక్ తెచ్చుకున్న ఈ సినిమాకి షాకింగ్ గా 7.22 టీఆర్పీ మాత్రమే రికార్డ్ అయ్యింది. ‘రంగ్ దే’లో జాతీయ అవార్డు గెలుచుకున్న నటి కీర్తి సురేష్ హీరోయిన్ గా నటించగా, వెంకి అట్లూరి దర్శకత్వం వహించారు. కాగా సితార ఎంటర్టైన్మెంట్స్ పతాకంపై సూర్యదేవర నాగ వంశీ ఈ సినిమాని నిర్మించారు. దేవి శ్రీ ప్రసాద్ సంగీతాన్ని అందించారు. అయితే ప్రస్తుతం నితిన్ ‘మాస్ట్రో’ సినిమాతో బిజీగా ఉన్నాడు.