నయనతార సినిమాకి అతడే విలన్…
సౌత్ ఇండియన్ స్టార్ హీరోయిన్ నయనతార సినీ పరిశ్రమలోకి అడుగుపెట్టి 18 సంవత్సరాలు గడిచింది. అయినప్పటికీ నయన్ తన సత్తాను ఏమాత్రం తగ్గకుండా చాటుకుంటూనే ఉంది. కొంతకాలంగా లేడీ ఓరియెంటెడ్ మూవీస్ కు నయన్ అమిత ప్రాధాన్యతిస్తూ స్టార్ హీరోల సినిమాలలో నటిస్తూనే ఉంది. అయితే తాజాగా నయన్ పేషన్ స్టూడియోస్ తో రెండు సినిమాలకు ఒప్పందం కుదుర్చుకుంది. అభిషేక్ పిక్చర్స్ తో కలిసి వీటిని పేషన్ స్టూడియోస్ నిర్మించనుండటం విశేషం.
అదేవిధంగా అందులో మొదటి ప్రాజెక్ట్ ను ఓ కొత్త దర్శకుడు తెరకెక్కించబోతున్నాడు. ఈ మూవీలో రెండు ప్రధానమైన పురుష పాత్రలు ఉన్నాయని టాక్ నడుస్తోంది. అందులో నయన్ కు ధీటుగా ఉండే విలన్ పాత్రకోసం కన్నడ స్టార్ హీరో కిచ్చా సుదీప్ ను అడిగారని టాక్ నడుస్తోంది. కాగా శాండిల్ వుడ్ లో హీరోగా నటిస్తున్నా.. సుదీప్ ఇతర భాషల్లో విలన్ గా చేయడానికి అభ్యంతరం పెట్టడం లేదు. కాగా ఆ రకంగా నయన్ సినిమా స్టోరీలో తన పాత్రకు ప్రాధాన్యముంటే సుదీప్ అంగీకరించే ఆస్కారం ఉన్నట్లు తెలుస్తోంది. అంతేకాకుండా మరో కీలకమైన మెల్ క్యారెక్టర్ కోసం ఎవరి తీసుకుంటారో తెలియాల్సి ఉంది. కరోనా సెకండ్ వేవ్ తగ్గుముఖం పడుతున్న ఈ సమయంలో నయన్ తాజా సినిమాలకు సంబంధించిన అధికారిక సమాచారం అతి త్వరలోనే వస్తుందని కోలీవుడ్ వర్గాలు వెల్లడిస్తున్నాయి. ఇదిలా ఉండగా… గత సంవత్సరం ‘అమ్మోరు తల్లి’గా డిస్నీ హాట్ స్టార్ ఓటీటీ ద్వారా వీక్షకుల ముందుకు నయన్ వచ్చిన విషయం తెలిసిందే. అయితే ఆమె నటించిన హారర్ థ్రిల్లర్ మూవీ ‘నెట్రికన్’ కూడా ఓటీటీలోనే రిలీజ్ కానున్నట్లు తెలుస్తోంది. అలాగే రజనీకాంత్ ‘అన్నాత్తే’, విజయ్ సేతుపతి ‘కాతువాకుల రెండు కాదల్’ సినిమాలలో కూడా నయనతార నటిస్తుండటం విశేషం.