దుల్కర్ సల్మాన్ సింగర్ అవతారం….
మలయాళ స్టార్ హీరో దుల్కర్ సల్మాన్ తెలుగు, హిందీ ప్రేక్షకులకు సుపరిచితమే. ‘మహానటి’ సినిమాలో టాలీవుడ్ ప్రేక్షకులను మెప్పించి, ఇక్కడ కూడా అభిమానులను ఏర్పరచుకున్నాడు దుల్కర్ సల్మాన్. హీరోగా పలు తమిళ, తెలుగు, హిందీ సినిమాల్లో నటించి తమ సామర్థ్యాన్ని నిరూపించుకున్నాడు ఈ యంగ్ హీరో. అయితే ఇప్పుడు దుల్కర్ సల్మాన్ సింగర్ అవతారం ఎత్తాడు.
అయితే ప్రస్తుతం దుల్కర్ సల్మాన్ హీరోగా నటిస్తున్న తమిళ సినిమా ‘హే సినామిక’. ఈ సినిమాలో దుల్కర్ ఓ సాంగ్ పాడారు. దుల్కర్ సల్మాన్ కు సింగింగ్ ఇదే తొలిసారి కావడం విశేషం. కాగా ఇప్పటికే చాలామంది హీరోలు సింగర్స్ గా మారి తమ టాలెంట్ ను చూపించుకున్నారు. ఈ సినిమాలో అదితి రావు హైదరి, కాజల్ అగర్వాల్ హీరోయిన్లుగా నటిస్తున్నారు. ఇక కొరియోగ్రాఫర్ బృంద ఈ సినిమాతో దర్శకురాలిగా మారుతోంది. ఈ తమిళ సినిమా షూటింగ్ డిసెంబర్ 26న ముగిసింది. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ‘హే సినామిక’ సినిమా త్వరలోనే విడుదల కానున్నట్లు తెలుస్తోంది.