త్వరలో నాగార్జున.. ప్రవీణ్ సత్తారు మూవీ సెకండ్ షెడ్యూల్ స్టార్ట్..
టాలీవుడ్ కింగ్ అక్కినేని నాగార్జున, డైరెక్టర్ ప్రవీణ్ సత్తారు కాంబినేషన్లో హైరేంజ్ యాక్షన్ థ్రిల్లర్ ప్రారంభమైన విషయం తెలిసిందే. శ్రీ వెంకటేశ్వర ఎల్ఎల్పి, నార్త్ స్టార్ ఎంటర్టైన్మెంట్ పతాకంపై నారాయణ్ దాస్ కె. నారంగ్, పుస్కూర్ రామ్మోహన్రావు, శరత్ మరార్ ఈ సినిమాని సంయుక్తంగా నిర్మిస్తున్నారు. గోవాలో తొలి షెడ్యూల్ పూర్తి చేసుకున్న ఈ సినిమా సెకండ్ షెడ్యూల్ ఈనెల 4 నుంచి హైదరాబాద్లో ప్రారంభం కానుంది.
అయితే ఇండియాలోని ప్రధాన నగరాలతో పాటు విదేశాల్లో కీలకమైన సన్నివేశాలను చిత్రీకరించేలా దర్శక నిర్మాతలు షూటింగ్ ప్లాన్ చేశారు. ఈ సినిమాలో నాగార్జున ఔట్ అండ్ ఔట్ యాక్షన్ ప్యాక్డ్ రోల్లో కనిపించనున్నట్లు తెలుస్తోంది. ముఖ్యంగా ఈ సినిమాలో కాజల్ అగర్వాల్ హీరోయిన్గా నటిస్తోంది. గుల్ పనాంగ్, అనైకా సురేంద్రన్ కీలక పాత్రలు పోషిస్తున్నారు. ముకేశ్.జి ఈ సినిమాలో సినిమాటోగ్రఫీ అందిస్తోన్నారు. కాగా ఈ సినిమాకి బ్రహ్మ కడలి ఆర్ట్, రాబిన్ సుబ్బు, నభా మాస్టర్ యాక్షన్ డైరెక్టర్స్ గా వర్క్ చేస్తున్నారు.