తేజ ఆఫర్ ను తిరస్కరించిన కృతి శెట్టి…!
టాలీవుడ్ లో ‘ఉప్పెన’ సినిమా ఓ సంచలనం. అందులో నటించిన హీరోయిన్ కృతిశెట్టికి మంచి పేరు తెచ్చుకుంది. టాలీవుడ్ లో తొలి సినిమాతోనే మంచి క్రేజ్ ను సంపాదించుకుంది. దీంతో ఈ క్యూట్ బేబీకి ఆఫర్ల వెల్లువెత్తున్నాయి. ప్రస్తుతం టాలీవుడ్ లో మోస్ట్ వాంటెడ్ హీరోయిన్ ఎవరంటే కృతి శెట్టి అనే తెప్పాలి.
అయితే ఇప్పటికే కృతి శెట్టి చేతిలో రెండు సినిమాలు ఉన్నాయి. కృతి శెట్టి ‘శ్యామ్ సింగ్ రాయ్’లో నానితో స్క్రీన్ షేర్ చేసుకోనుంది. సుధీర్ బాబుతో కలిసి రొమాంటిక్ డ్రామా ‘ఆ అమ్మాయి గురించి మీకు చెప్పాలి’లో కూడా నటిస్తున్న విషయం తెలిసిందే. తాజాగా అందుతున్న సమాచారాన్ని బట్టి… ప్రముఖ డైరెక్టర్ తేజ ఆఫర్ ను తిరస్కరించినట్లు తెలుస్తోంది. కాగా అభిరామ్ దగ్గుబాటి వెండితెర అరంగ్రేటం చేయనున్న సినిమాకి తేజ దర్శకత్వం వహించనున్నారు. విశ్వసనీయ వర్గాల ద్వారా అందిన సమాచారాన్ని బట్టి ఈ మూవీ కోసం కృతిని సంప్రదించారని… ఆమె వారి ఆఫర్ ను సున్నితంగా తిరస్కరించిందని తెలుస్తోంది. అయితే దగ్గుబాటి అభిరామ్ కోసం తేజ యూత్ ఫుల్ ఎంటర్టైనర్ ను తెరకెక్కించనున్నారు. త్వరలోనే ఈ సినిమాపై అధికారికంగా ప్రకటించే అవకాశాలు ఉన్నాయి.