టోక్యో ఒలింపిక్స్ : క్వార్టర్ ఫైనల్ కి పీవీ సింధు…!

టోక్యో ఒలింపిక్స్ లో వరుస విజయాలతో దూసుకెళ్తుంది మన తెలుగుతేజం, భారత స్టార్ షెట్లర్ పీవీ సింధు. మహిళా సింగిల్స్ గ్రూప్-జేలో వరుసగా మూడవ విజయాన్ని సాధించిన సింధు…. క్వార్టర్ ఫైనల్కు దూసుకెళ్లింది.

అయితే ఈరోజు జరిగిన ప్రీక్వార్టర్స్ లో డెన్మార్క్ షెట్లర్ మియా బ్లిక్ఫెల్ట్ పై వరుస సెట్లలో విజయం సాధించింది పీవీ సింధు. అలాగే 21-15, 21-13తో ప్రత్యర్థిని చిత్తు చేసిన సింధు.. వరుస విజయాలతో గ్రూప్-జేలో అగ్రస్థానంలో నిలవడం విశేషం. అంతేకాకుండా క్వార్టర్ ఫైనల్కు దూసుకెళ్లడంతో భారతీయుల్లో ఆనందం వెల్లివిరిసింది. కాగా ఇక మరో విజయం సాధిస్తే కాంస్యం పతకం సాధించడం ఖాయం. మరి ఈసారి ఎలాగైనా బంగారు పతకాన్ని సాధించాలన్న పట్టుదలతో ఉన్న పీవీ సింధు ఆ విజయాన్ని అందుకోవాలని ఆకాంక్షిద్దాం.