టాలీవుడ్ స్టార్స్ @ ఐసోలేషన్

దేశంలో కోవిడ్-19 చాలా తీవ్రంగా విస్తరిస్తుంది. రోజుకి మూడు లక్షలకు పైగా కేసులు నమోదవుతున్నాయి అంటే కరోనా ఏపాటిగా వ్యాపిస్తుంది అనేది అట్టే అర్థమైపోతుంది. అయితే కరోనా సెకండ్ వేవ్ ప్రభావం టాలీవుడ్ సినీ పరిశ్రమపై కూడా తీవ్ర ప్రభావాన్ని చూపుతుంది. ఇప్పటికే ఎన్నో భారీ బడ్జెట్ సినిమాలు షూటింగ్స్ బంద్ చేసి ఎవరి ఇళ్లకు వారు చేరుకొని ఇంటివద్దనే సురక్షితంగా ఉంటున్నారు. అలాగే.. థియేటర్స్ లో విడుదల కావాల్సిన సినిమాలు కూడా వాయిదా పడ్డాయి. థియేటర్స్ బంద్ అయిన పరిస్థితి.
ఇలాంటి ఈ సమయంలో సెలెబ్రెటీలు చాలా మందికి కరోనా సోకడం కలవరానికి గురి చేస్తుంది. కొంతమంది స్టార్ట్స్ కరోనా భయంతో సెల్ఫ్ ఐసోలేషన్ లోకి వెళ్లిపోయారు. అయితే తాజాగా కరోనా పాజిటివ్ రిపోర్ట్ వచ్చిన పవన్ కళ్యాణ్.. రీసెంట్ గా కోలుకున్నప్పటికీ కొద్దిరోజుల పాటు తన ఫామ్ హౌస్ లోనే ఉండేందుకు సిద్దపడ్డారు. అలాగే మహేష్ బాబు కూడా ‘సరిలేరు నీకెవ్వరూ’ యూనిట్ లో చాలా మందికి కరోనా సోకడంతో ముందు జాగ్రత్తగా ఇంట్లోనే హోం ఐసోలేషన్ లోకి జారుకున్నారు. ఇక రెబల్ స్టార్ ప్రభాస్, ఎన్టీఆర్, రాంచరణ్ లు కూడా షూటింగ్స్ కి ప్యాకప్ చెప్పి హోం ఐసోలేషన్ కు వెళ్లినట్టు తెలుస్తోంది. కాగా స్టైలిష్ స్టార్ అల్లు అర్జున్ మాత్రం ‘తగ్గేదే లే’ అన్నట్లుగా షూటింగ్స్ పాల్గొంటున్నాడని సమాచారం అందుతుంది. మరి బన్ని నటిస్తున్న పుష్ప సినిమా కోవిడ్ నిబంధనలు పాటిస్తూ.. పరిమిత సంఖ్యతో ఫారెస్ట్ లో షూటింగ్ నడిపిస్తున్నట్లుగా తెలుస్తోంది. మరి ఈ సినిమా షూటింగ్ ఎంతవరకు అనుకున్న షెడ్యూల్ ను పూర్తి చేసుకుంటుందో చూడాలి.