జూలై 3వ తేదీన ట్రంప్ భారీ ర్యాలీ….

అమెరికా మాజీ అధ్యక్షుడు డొనాల్డ్ ట్రంప్ మరో భారీ ర్యాలీకి రెడీ కాబోతున్నారు. జులై 4 వ తేదీ అమెరికాకు స్వాతంత్రం వచ్చిన రోజు. ఆ రోజున అమెరికాలో పెద్ద ఎత్తున అధికారిక కార్యక్రమాలను నిర్వహిస్తుంటారు. అయితే అమెరికా మాజీ అధ్యక్షుడు డోనాల్డ్ ట్రంప్ జులై మూడో తేదీన పెద్ద ఎత్తున ర్యాలీని నిర్వహించేందుకు రెడీ అవుతున్నారు. జులై 3వ తేదీ రాత్రి 8 గంటల నుంచి అర్ధరాత్రి వరకు ఆ ర్యాలీ జరగనున్నట్లు తెలుస్తోంది.
అదేవిధంగా ట్రంప్ సొంత ప్రాంతమైన ఫ్లోరిడాలో ఈ కార్యక్రమాన్ని ఏర్పాటు చేస్తున్నారు. రిపబ్లిక్ ఆఫ్ ఫ్లోరిడా ఈ కార్యక్రమాన్ని నిర్వహిస్తున్నది. సేవ్ అమెరికా పేరుతో ట్రంప్ ఈ ర్యాలీని నిర్వహిస్తున్నారు. అంతేకాకుండా కరోనా విషయంలో చైనాపై ట్రంప్ చేసిన వ్యాఖ్యలు నిజమైనవే అనే దిశగా ప్రస్తుత ప్రభుత్వం కూడా నిర్ధారణకు వస్తున్న సమయంలో ఈ ర్యాలీకి ప్రాధాన్యత ఏర్పడింది. మరి ఈ ర్యాలీతో అమెరికాలో ట్రంప్ హవా ఎలా మెరుగుకానుంది అనేది వేచి చూడాలి.