జానపద గాయకుడు, రచయిత పెంచల్ దాస్ కి పవన్ సత్కారం
ఆంధ్రప్రదేశ్ లోని రాయలసీమ ఆణిముత్యం పెంచల్ దాస్ ని సినీ ప్రముఖులు ఘనంగా సత్కరించారు. రచయిత, గాయకుడు అయిన పెంచల్ దాస్ రాయలసీమ ప్రాంత జానపదాలను, అక్కడి మాండలికాన్నీ నేటి తరానికి చేరువ చేస్తున్న విధానం అభినందనీయమని పవర్ స్టార్ పవన్ కళ్యాణ్ తెలిపారు.
అదేవిధంగా గీత రచయిత, గాయకుడు పెంచల్ దాస్ తాజాగా హైదరాబాద్ లోని పవన్ కళ్యాణ్ ను కలిశారు. ఈ సందర్భంగా తెలుగు జానపదాలు, సీమ మాండలికంపై ఇరువురు మధ్య ఆసక్తికరమైన చర్చ సాగింది. ఈ చర్చలో ప్రముఖ దర్శకులు శ్రీ త్రివిక్రమ్ శ్రీనివాస్ కూడా పాల్గొన్నారు. ఆ తర్వాత పెంచల్ దాస్ ను పవన్ కళ్యాణ్ శాలువాతో సత్కరించి అభినందించారు.